វិញ្ញាសាប្រវត្តិសាស្រ្តនៃប្រទេសម្ពុជា( វិញ្ញាសាទី៧៤)

សំនួរ

១. មេដឹកនាំខ្មែរឥស្សរៈសំខាន់មានអ្វីខ្លះ ?

២. តើសន្និសិទ្ធិទីក្រុងសឺណែវ ឆ្នាំ១៩៥៤ បានអនុម័តកិច្ចព្រមព្រៀងអ្វីខ្លះ សម្រាប់កម្ពុជា ?

៣. នៅក្នុងសន្និសទ្ធនេះ គេបានចុះកិច្ចព្រមព្រៀងមួយចំនួនតើវាផ្តល់គុណសម្បត្តិអ្វីខ្លះ ដល់កម្ពុជា ?

៤. តើគុណវិបត្តិអាណានិគមបារាំងមានអ្វីខ្លះ សម្រាប់កម្ពុជា ?

៥. ប្រទេសកម្ពុជា ស្ថិតក្រោមអាណាព្យាបាលបារាំងពីឆ្នាំណាដល់ឆ្នាំណា ? តើពាក្យអាណានិគមនឹងអាណាព្យាបាលមានន័យដូចម្តេច ?

ចម្លើយ

១ . មេដឹកនាំខ្មែរឥស្សរៈសំខាន់ៗមានឈ្មោះ សាវាង វង្ស និងទ្រង់ច័ន្ទរង្សី ។

២​. កិច្ចព្រមព្រៀងទាំងនោះមាន៖

• ឈប់បាច់គ្នាជាទូទៅនៅប្រទេសខ្មែរ ចាប់អនុវត្តន៍នៅថ្ងៃទី ០៧ ខែ សីហា ឆ្នាំ ១៩៥៤ ។
• ទ័ពនិង បុគ្គលិករបស់យោធាបារាំងត្រូវដកចេញពីប្រទេសខ្មែរទាំងអស់
• ទ័ពនិងបុគ្គលិក យោធាយួនយៀកមិញ និងកងទ័ពកចូលពីប្រទេសផ្សេងៗទៀតតត្រូវដកចេញពីប្រទេសកម្ពុជា ។
• សមាជិកនៃកងទ័ពខ្មែរយៀកមិញ​ ត្រូវលាលែងចេញពីតំណែងនូវនឹងកន្លែង
• ការត្រួតពិនិត្យនូវការអនុវត្តសេចក្តីព្រៀងនេះ ជាភារៈកិច្ចរបស់គណៈកម្មការអន្តរជាតិមួយ
• ប្រទេសខ្មែរ មិនអនុញ្ញតិឲ្យមហាអំណាចណាមួយតាំងមូលដ្ឋានទ័ពលើទឹកដីខ្មែរឡើយ
• ប្រទេសខ្មែរមានសិទ្ធិស្វែងរកជំនួយ ដើម្បីការពារទឹកដីរបស់ខ្លួន ។

៣. គុណសម្បត្តិសម្រាប់កម្ពុជាមាន៖

• សកម្មភាពយោធាបរទេសទាំងអស់ ត្រូវបញ្ឈប់លើទឹកដីកម្ពុជា
• វៀតណាម ត្រូវដកទ័ពឲ្យអស់ក្នុងរយៈពេល៩០ថ្ងៃ
• កម្លាំងទ័ពទាំងអស់ ត្រូវធានាដល់អតីតអ្នកតស៊ូ ការពារជីវីតទ្រព្យសម្បត្តិនិងសេរីភាពប្រជាធិបតេយ្យ
• រដ្ឋាភិបាល ត្រូវធានាថាប្រជាពលរដ្ឋខ្មែររស់ក្នុងសហគមន៍ជាតិសាសន៍តែមួយ មានសិទ្ធិសេរីភាពដូចគ្នា ។

៤. គុណវបត្តិទាំងនោះមាន៖

• បង្ខំប្រជាជនខ្មែរឲ្យបង់ពន្ធយ៉ាងធ្ងន់ធ្ងរ ដោយមិនលើកលែងដូចជាកពន្ធស្រូវ ពន្ធមនុស្ស ពន្ធដីធ្លី ពន្ធលើសត្វពាហនៈ និងយានយន្ត ... ។
• កេណ្ឌប្រជាជនខ្មែរ ឲ្យធ្វើកងទ័ពបារាំងក្នុងសង្គ្រាមលើកលើកទី១ និងទី២ ដែលធ្វើឲ្យប្រជាជនស្លាប់និងរបួសជាច្រើននាក់ឮ
• កាត់ទឹកដីកម្ពុជាក្រោម និងតំបន់ដាឡាត់ទៅឲ្យវៀតណាមគ្រប់គ្រង
• កាត់ខេត្ត ត្រាចរបស់ខ្មែរទៅឲ្យសៀមកាន់កាប់វិញ
• ប្រមូលបុរាណវត្ថុ ដែលជាកេតនភ័ណ្ឌខ្មែរទៅប្រទេសបារាំងស្ទើរទាំងអស់ ។

៥. ប្រទេសកម្ពុជាស្ថិតនៅក្រោមអាណាព្យាបាលបារាំងពីថ្ងៃ ១១ សីហា​ ១៨៦៣ ដល់ថ្ងៃ០៩ វិច្ឆិកា ឆ្នាំ ១៩៥៣ ។ ពាក្យអាណានិគមមានន័យថា ជាប្រព័ន្ធគ្រប់គ្រងមួយដែលប្រទេសម្ចាស់ស្រុកពុំមានសិទ្ធិស្វ័យភាពក្នុងការគ្រប់គ្រងប្រព័ន្ធរដ្ឋបាលរបស់ខ្លួនទេ ប្រព័ន្ធរដ្ឋបាលនេះត្រូវគ្រប់គ្រងដោយប្រទេសអាណានិគម ។ រីឯពាក្យអាណាព្យាបាលមានន័យថា ជាប្រព័ន្ធគ្រប់គ្រងមួយ ដែលប្រទេសស្រុកមានស្វ័យភាព ក្នុងការគ្រប់គ្រងប្រព័ន្ធរដ្ឋបាលរបស់ខ្លួន ចំណែកប្រទេសអាណាព្យាបាលវិញមាននាទីត្រឹមកតែទីប្រឹក្សាតែប៉ុណ្ណោះ ។ ដូចនេះ ប្រទេសកម្ពុជាកគឺប្រទេសបារាំងបានមកដាក់អាណាព្យាបាល ។

វិញ្ញាសាទី៧៥