វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី២៣)

សំណួរ

១. តើប្រូតេអ៉ីនជាអ្វី ? ម៉ូលេគុលប្រូតេអ៉ីនដែលទាបជាងគេបំផុតហៅថាអ្វី ?

២. តើគេសម្គាល់រុក្ខជាតិឌីលេដូនបានដោយសារអ្វី ?

៣. តើអង់ស៊ី​មគឺជាអ្វី ? ហេតុអ្វីបានជានៅក្នុងកោសិកានៃសារពាង្គមានអង់ស៊ីមច្រើនប្រភេទ ?

៤. តើក្រពេញទីរ៉ូអ៉ីតស្ថិតនៅត្រង់ណា ? វាផលិតអរម៉ូនអ្វីខ្លះ ? តើអរម៉ូលទាំងនោះមាននាទីអ្វីខ្លះ ?

៥. ចូរប្រៀបធៀបលទ្ធផលនៃការបង្កាត់ជិត និងការបង្កាត់ឆ្ងាយ។

ចម្លើយ

១. ប្រូតេអ៊ីនគឺជាប៉ូលីមែនៃអាស៊ីតអាមីនេដែលបង្កឡើងដោយច្រវាក់ប៉ូលីប៉ិបទីមួយឬច្រើន ។ ម៉ូលេគុលប្រូតេអ៊ីនដែលទាបជាងគេបំផុតហៅថា ប៉ិបទីត ឬ ប៉ូលីប៉ិបទីត ។

២. គេសម្គាល់រុក្ខជាតិឌីលេដូនបានដោយសារ ៖

• គ្រាន់មានកូទីលេដុង ២
• ឬសជាឬសកែវ
• ស្លឹកមានទ្រនុងបែកខ្នែង
• ដើមមានបាច់សរសៃរនាំស្ថិតនៅជារង្វង់ ។

៣. អង់ស៊ីមគឺជាកាតាលីករគីមីជីវៈដែលជួយពន្លឿនល្បឿប្រតិកម្មគីមីជីវៈផ្សេងៗ ។ បានជានៅក្នុងកោសិកានៃសារពាង្គមានអង់ស៊ីមច្រើនប្រភេទពីព្រោះនៅក្នងកោសិកានៃសារពាង្គកាយមានប្រតិកម្មច្រើនប្រភេទខុសគ្នាស ហើយអង់ស៊ីមមួយមានអំពើទៅលើប្រតិកម្មបានតែមួយប្រភេទប៉ុណ្ណោះ ។

៤. ក្រពេញីរ៉ូអ៉ីតស្ថិតនៅត្រង់ក ចំពីក្រោមបំពង់សំលេង និងនៅខាងបំពង់ខ្យល់ ។ វាផលិតអរម៉ូនរ៉ូអ៉ីត និងអរម៉ូនកាលស៊ីតូនីន ។ ហើយអរម៉ូទាំងនោះមាននាទីដូចជា ៖

• អរម៉ូនរ៉ូស៊ីន មាននាទីបង្កើតអត្រាមេតាបូលីសប្រូតេអ៉ីន​គ្លុយស៊ីតនិងខ្លាញ់ ។
• អរម៉ូនកាលស៊ីតូនីន វាមាននាទីតម្រូវអត្រាកាល់ស្យូមក្នុងឈាមដោយនៅពេលកម្រិត Ca ក្នុងឈាមកើនឡើងវាចាប់យក Ca ទៅស្តុកក្នុងឆ្អឹង ។

៥. ប្រៀបធៀបលទ្ធផលនៃបង្កាត់ជិត និងការបង្កាត់ឆ្ងាយ ៖

+ ការបង្កាត់ជិត

• បង្កាត់រវាងកូនដែលកើតពីមេបាតែមួយ ឬ រវាងកូននិងកូនគ្នា វា
• សណ្ដានក្រោយមានកម្លាំងជីវិតខ្សោយលទ្ធផលដែលនឹងនាំទៅរកការផុតពូជ ។

+ ការបង្កាត់ឆ្ងាយ

• បង្កាត់រវាងពូជខុសគ្នា ឬ មានខ្សែស្រឡាយខុសគ្នា ឬ ប្រភេទខុសគ្នា
• អ៉ីប្រ៊ីត (កូនចៅ) មានលក្ខណៈល្អ លូតលាស់ឆាប់បានផល ទិន្នផលខ្ពស់ និងធន់នឹងជម្ងឺបានល្អ ។
• អារ មិនអាចបង្កកំណើតបានក្នុងករណីមេបាប្រភេទខុសគ្នា ។