តើសុរា និងមេរ័យដូចគ្នា ឬផ្សេងគ្នា ? បើផ្សេងគ្នា តើផ្សេងយ៉ាងណា ? ចូររៀបរាប់ផង ។

សុរា និងមេរ័យ មិនដូចគ្នាទេ ។

សុរា និងមេរ័យ ផ្សេងគ្នាត្រង់ថា៖

• សុរា​ បានដល់វត្ថុ ដែលគេធ្វើដោយម្ស៉ៅមេតំបែ ជាដើម ។

សុរាមាន ៥យ៉ាងគឺៈ

• បិដ្ឋសុរាៈ សុរាដែលធ្វើដោយម្ស៉ៅ
• បូវសុរាៈ សុរាដែលធ្វើដោយនំ
• ឱទនសុរាៈ សុរាដែលធ្វើដោយបាយ
• កិណ្ណិបក្ខិត្តាៈ សុរាដែលគេដាក់ពូជសុរា
• សម្ភារសំយុត្តាៈ សុរា ដែលគេប្រកបព្រមដោយគ្រៅផ្សំផ្សេងៗមានគ្រាប់ស្ពៃគ្រាប់ម្រេច.... ។

មេរ័យ បានដល់វត្ថុដែលគេធ្វើដោយផ្កាឈើឬសឈើជាដើម ។​

មេរ័យមាន៥យ៉ាងគឺៈ

• បុប្ផាសវោ ទឹកត្រាំធ្វើឡើងពី ផ្កាឈើ
• ផលាសវោ ទឹកត្រាំធ្វើឡើងពីផ្លែឈើ
• មធ្វាសវោ ទឹកត្រាំធ្វើឡើងពីទឹកឃ្មុំ
• កុឡាបសវោ ទឹកត្រាំធ្វើឡើងពីទឹកអំពើ
• សម្ភារសំយុត្តា ទឹកត្រាំដែលគេធ្វើប្រកបដោយគ្រឿងផ្សំផ្សេងៗមាន ផ្លែសម៉ កន្ទួតព្រៃជាដើម ។