ដូចម្តេចដែលហៅថា សីលធម៌ ? តើមនុស្សត្រូវមានសីលធម៌ដូចម្តេចខ្លះ ?

សីលធម៌ ជាធម៌ ( របស់សត្វលោក ) ឬសីល និងធម៌កិរិយាមារយាទ សណ្តាប់ធ្នាប់ដំបូន្មានដែលនាំឲ្យចៀសវាងអំពើអាក្រក់ហើយឲ្យប្រព្រឹត្តតែអំពើល្អ ។

មនុស្សត្រូវមានសីលធម៌ ​ដូចតទៅ៖

សីលធម៌ផ្ទាល់ខ្លួន

• ចេះដឹងខុស ដឹងត្រូវ
• ចេះស្គាល់ចាស់ព្រឹទ្ធាចារ្យ
• ស្គាល់អ្វីល្អ ស្គាល់អ្វីអាក្រក់
• តាំងខ្លួន ជាម្ចាស់ចិត្តរបស់ខ្លួន
• មានភាពក្លាហានក្នុងផ្លូវត្រូវ ។

សីលធម៌ក្នុងគ្រួសារ

• ឪពុកម្តាយចិញ្ចឹមកូន ដោយពុំនឹកគិតដល់ការសងគុណតបមកវិញ ព្រោះជាមុខងាររបស់គាត់
• ធ្វើឲ្យមានភាពសុខដុមរមនា
• ត្រូវស្រឡាញ់ កូនឲ្យស្មើៗគ្នា
• រៀបចំកូនឲ្យបានទៅជា រដ្ឋពលពេញលេញ ។

សីលធម៌ក្នុងវិជ្ជាជីវៈ

• មានមនសិការការងារខ្ពស់
• ត្រូវរកស៊ីតាមសមត្ថភាពរបស់ខ្លួន
• រកស៊ីតាមសម្មាអាជីវោ
• មិនរំលោភបំពាន លើអ្នកតូចជាងខ្លួន
• មិនធ្វើការរហួសកម្លាំងខ្លួនដែលនាំឲ្យមានជម្ងឺឥតប្រយោជន៍ ខាតបង់ ។

សីលធម៌ក្នុងសង្គម

• មិនត្រូវបែកបាក់គ្នា ( ទ្រុស្តគ្នា )
• មិនត្រូវមើលងាយមនុស្សផងគ្នា
• ត្រូវស្រឡាញ់ ស្នេហាយុត្តិធម៌
• ចេះរាប់អានមនុស្សទូទៅ
• ទទួលស្គាល់ ទុក្ខវេទនារបស់អ្នកដទៃ
• មិនឈ្លានពានអ្នកដទៃ ។

សីលធម៌ក្នុងពិភពលោក

ការរួមរស់ ដោយសន្តិភាពជាមួយប្រទេសដទៃដែលអង្គការសហប្រជាជាតិបានប្រជុំនៅទីក្រុងបាឌុង នាប្រទេសឥណ្ឌូណេស៊ី ។

សីលធម៌យសតាមទស្សនៈអ្នកប្រាជ្ញ

• សីលធម៌របស់ទស្សនវិទូ សូក្រាត
• សីលធម៌របស់ទស្សនវិទូប្លាតុង
• សីលធម៌របស់ទស្សនវិទូ អារីស្តូត
• សីលធម៌របស់ពួក ខន្តីនិយម
• សីលធម៌របស់អេពីគារ
• សីលធម៌របស់ម៉ុងតែង
• សីលធម៌របស់លោក អូគ្លូសកុង
• សីលធម៌របស់ពុទ្ធសាសនាហីនយាន
• សីលធម៌របស់ពុទ្ធសាសនាមហាយាន
• សីលធម៌របស់គ្រឹស្តសាសនា
• សីលធម៌របស់ឥស្លាមសាសនា ។