វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី៣០)

សំណួរ 

១. តើរដ្ឋមានតួនាទីសំខាន់អ្វីខ្លះ?

២. តើអ្វីដែលគេចាត់ទុកថាគឺជាបញ្ហារួមនៅលើសកលលោក?

៣. តើកត្តាអ្វីខ្លះដែលធ្វើឪ្យអង្គការសង្គមរាស្រ្ដនិយមទទួលបានការគាំទ្រច្រើនពីប្រជាពលរដ្ឋ?

៤. តើគេបែងចែងសង្រ្គាមលោកលើកទី២ ជាប៉ុន្មានដំណាក់កាល?

៥. ចូលនិយាយពីស្ថានភាពសេដ្ឋកិច្ចប្រទេសកម្ពុជា នៅមុខព្រឹត្តិការណ៍ ថ្ងៃទី១៨ មីនា ១៩៧០?

ចម្លើយ

១. រដ្ឋមានតួនាទីសំខាន់ក្នុងការផ្លាស់ប្ដូរបញ្ជូនកម្លាំងពលករ បំពេញការងារទៅក្រៅប្រទេសនិងការពារគេគ្រប់ពេលវេលា ស្របទៅតាមច្បាប់។

២. ដែលគេចាត់ទុកថា គឹជាបញ្ហារួមនៅលើពិភពលោកមានដូចជា៖

• បញ្ហាបរិស្ថាន
• បញ្ហាកំណើនប្រជាជន
• បញ្ហាសន្ដិសុខស្បៀង
• បញ្ហាសង្រ្គាម
• បញ្ហាអស្ថេរភាពសន្ដិសុខសង្គម
• បញ្ហាភេវរកម្មអន្តរជាតិ។

៣. កត្តាដែលធ្វើឪ្យអង្គការសង្គមរាស្រ្ដនិយមទទួលបានការគាំទ្រច្រើនពីប្រជាពលរដ្ឋដោយសារ៖

• ប្រជាប្រិយភាព សម្ដេចសីហនុ ជាប្រធាន
• ភាពរឹងមាំនៃរចនាសម្ព័ន្ធដឹកនាំអង្គការ សង្គម ថ្នាក់មូលដ្ឋាន
• ក្បាលម៉ាស៊ីនដឹកនាំ ឥស្សរៈជនសំខាន់ៗ សីហនុ យ៉ែម សំបូរ សឹន សាន សម សារី
• វិស័យហរិញ្ញវត្ថុ មានការគាំទ្រពីគ្រប់មជ្ឈដ្ឋាន។

៤. គេបែងចែកសង្រ្គាមលោកលើទី២ ជាពីរដំណាក់កាសគឺ៖

• ដំណាក់កាលទី១ (១៩៣៩-១៩៤១) បានចាបផ្ដើមពីថ្ងៃទី១ កញ្ញាឆ្នាំ១៩៣៩ នៅពេលដែលកងទ័ពអាឡឺម៉ង់បានចូលឈ្លានពានប្រទេសប៉ូឡូញពេលនោះអង់គ្លេស និងបារាំងក៏ប្រកាសសង្រ្គាមជាមួយអាឡឺម៉ង់។ បន្ទាប់មកភាគីកតិកាសសញ្ញាវ៉ូម-បែរឡាំង-តូក្យូបានប្រកាសសង្រ្គាមផងដែរ។
• ដំណាក់កាលទី២ (១៩៤១-១៩៤៥) ចាប់ផ្ដើមនៅពេលដែល កងទ័ពអាឡឺម៉ង់រួមជាមួយសម្ព័ន្ធមិត្តរបស់ខ្លួន វាយលុកសហភាពសូវៀតនៅថ្ងៃទី ២២ មិថុនា ១៩៤១។ នៅថ្ងៃទី៨ ឧសភា ១៩៤៥ ពួកផាស៊ីលអាឡឺម៉ង់បានទំលាក់អាវុធចុះចាញ់។ ថ្ងៃទី០២ កញ្ញា១៩៤៥ សង្រ្គាមត្រុវបានបញ្ចប់។

៥. ស្ថានភាពសេដ្ឋកិច្ចប្រទេសកម្ពុជា នៅមុនព្រឹត្តិការណ៍ ថ្ងៃ១៨ មីនា១៩៧០ មានដូចជា៖

• បញ្ហាកសិកម្ម បានជួបវិបត្តិដោយប្រព័ន្ធធារាសាស្រ្ដគ្មានប្រសិទ្ធភាព ជាហេតុធ្វើឪ្យទិន្នផលកម្មថយចុះ។
• បញ្ហាឧស្សាហកម្ម រដ្ឋគ្រប់គ្រងដោយឧស្សាហកម្មមិនបានល្អ ហើយការចំណាយខ្លះតុល្យភាព
• បញ្ហាពាណិជ្ជកម្ម សម្ដេច នរោត្តម សីហនុ បានធ្វើជាតូយនីយកម្មលើវិស័យនីហរ័ណអាហរ័ណ ផ្នែកសេដ្ឋកិច្ច និងបិទទ្វារធនាគារឯកជនខ្មែរទាំងអស់ ហើយបានជម្រុញឪ្យមានពាណិជ្ជកម្មលួចលាក់ ឬគេចពន្ធកើតឡើង។
• បញ្ហាជំនួញបរទេស នៅឆ្នាំ ១៩៦៥ សម្ដេច នរោត្តម  សីហនុ បានប្រកាសឈប់ទទួលយកជំនួយពីសហរដ្ឋអាមេរិក ព្រោះព្រះអង្គចង់គេចចេញពីសង្រ្គាមវៀតណាម ហើយចង់មានទំនាក់ទំនងល្អជាមួយប្លុកកុំម្មុយនីស្ដ។
• ពីឆ្នាំ១៩៦៧-១៩៦៨ សេដ្ឋកិច្ចកម្ពុជាបានរាំងស្ទុះយ៉ាងខ្លាំង រីឯប្រជាប្រិយភាពរបស់សម្ដេច នរោត្តម សីហនុ វិញក៏ធ្លាក់ចុះយ៉ាងខ្លាំងផងដែរ។

វិញ្ញាសាទី៣១