ហេតុអ្វីគួរបង្កើនចំនួនស្រ្តីក្នុងសកម្មភាពនយោបាយ ?

មូលហេតុដែលគួរបង្កើនចំនួនស្រ្តីក្នុងសកម្មភាពនយោបាយព្រោះ៖

• ចង់លើកកម្ពស់សមភាពយេនឌ័រ និងបង្កើនភាពអង់អាចដល់ស្រ្តី
• ចង់លប់បំបាត់ការរើសអើងចំពោះស្រ្តី កាត់បន្ថយអំពើហិង្សា ការរំលោភបំពានលើស្រ្តីនិងកុមារ
• ចង់ឲ្យស្រ្តីមានឱកាសការពារចលនាសង្គម ការធ្វើសេចក្តីសម្រេចចិត្តក៏ដូចជាទទួលបានបទពិសោធន៍ចំណេះដឹង ចំណេះធ្វើដើម្បីអភិវឌ្ឍន៍ខ្លួនឯងគ្រួសារនិងសង្គមជាតិ
• ចង់លើកកំពស់ឲ្យមានការចូលរួមរបស់ស្រ្តីក្នុងសេដ្ឋកិច្ច និងបរិយាប័នហិរញ្ញវត្ថុសម្រាប់ស្រ្តី
• ចង់ជម្រុញឲ្យមានការបង្កើនចំនួនស្រ្តីឲ្យចូលបម្រើការងារសង្គម សេដ្ឋកិច្ច និងនយោបាយឲ្យកាន់តែច្រើនឡើងព្រមទាំងដាក់បេក្ខភាពស្រ្តីនៅក្នុងតួនាទីជារដ្ឋលេខាធិការ អនុរដ្ឋលេខាធិការ នៅតាមក្រសួងនានា
• ចង់លប់បំបាត់គំនិតចាស់គំរិលមួយដែលនិយាយថា នារីបង្វិលចង្ក្រានមិនជុំ ដោយបច្ចុប្បន្នស្រ្តីមិនមែនទន់ខ្សោយមិនត្រូវគេឲ្យតម្លៃដូចសម័យមុននោះទេ ពោលគឺស្រ្តីអាចធ្វើអ្វីបានដូចបុរសដែរ ។