ទីផ្សារអាចមានសកម្មភាពបានលុះត្រាតែមាន៖
- ការដោះដូរពលកម្មដើម្បីទទួលបានប្រាក់ឈ្នួលមនុស្សត្រូវធ្វើការដោះដូរពលកម្មជាមួយនឹងសហគ្រាសឬក្រុមហ៊ុនដែលតម្លៃពលលកម្មប្រែប្រួលទៅតាមឯកទេសដែលផលិតកម្មត្រូវការហើយកម្រិតប្រាក់ឈ្នួលពលកម្មតែងតែអាស្រ័យទៅនឹងកម្រិតអប់រំជំនាញ។
- ការដោះដូរផលិតផលទំនិញដែលបង្ហូរចេញពីសហគ្រាសផលិតនានាមកដល់ទីផ្សារដើម្បីផ្គត់ផ្គង់តម្រូវការរបស់អតិថិជនហើយអតិថិជននឹងធ្វើការជ្រើសរើសនូវផលិតផលដែលមានគុណភាពល្អនិងមានគុណភាពខ្ពស់ប្រើប្រាស់បានយូរអង្វែងនិងជាពិសេសលក់ក្នុងតម្លៃទាប។
- សិទ្ធិជាម្ចាស់កម្មសិទ្ធិនិងសិទ្ធិសហគ្រិនសម្រាប់កម្មសិទ្ធិគេម្ចាស់កម្មសិទ្ធិមានសិទ្ធិគ្រប់គ្រាន់ក្នុងការគ្រប់គ្រងការត្រួតពិនិត្យ ការប្រើប្រាស់ ការលក់ដូរការផ្ទេរកម្មសិទ្ធិឲ្យអ្នកដទៃតាមសេចក្តីត្រូវការ។ ចំណែកឯសហគ្រិនគឺមានសិទ្ធិផ្គួចផ្តើមនិងបង្កើតអ្វីថ្មីនិងទទួលខុសត្រូវនិងគ្រប់គ្រង និងហ៊ានទទួលយកហានិភ័យហិរញ្ញវត្ថុ។
- ថ្លៃទំនិញនិងសេវាត្រូវបានកំណត់ជាទូទៅថ្លៃទំនិញត្រូវបានកំណត់ហើយមានការទូទាត់ចំណាយលើវត្ថុធាតុដើមមធ្យោបាយផលិតកម្មនិងកម្លាំងពលកម្ម រួមទាំងការចំណាយផ្សេងៗទៀតដូចជាការបង់ពន្ធ ការជួលអាគារ ការវេចខ្ចប់និងការដឹកជញ្ជូនជាដើម។
- ការធ្វើអន្តរាគមន៍របស់រដ្ឋក្នុងទីផ្សារទោះបីជាយន្តការទីផ្សារមានដៃអរូបក្នុងការសម្របសម្រួលដែលអាចដំណើរការសកម្មភាពសេដ្ឋកិច្ចទីផ្សារបានដោយខ្លួនឯងក៏ដោយចុះក៏នៅតែទាមទារយន្តការរដ្ឋក្នុងការជួយដោះស្រាយបញ្ហាធំៗដែលមានដូចជាមុខងារធ្វើនិយ័តកម្ម មុខងារលើកទឹកចិត្ត និងមុខងារត្រួតពិនិត្យជាដើម។ ឯកសារយោង https://www.youtube.com/channel, Prach Phanit
