ដើម្បីកាត់បន្ថយការចំណាយច្រើនរបស់ពលករកម្ពុជា ក្នុងការស្វែងរកការងារធ្វើនៅក្រៅប្រទេស រាជរដ្ឋាភិបាលបានចេញសេចក្តីសម្រេចយកតែតម្លៃសេវាថតរូបសំរាប់ធ្វើលិខិតឆ្លងដែន ។ តើគោលនយោបាយនៃការផ្តល់លិខិតឆ្លងដែនតម្លៃ ៤ ដុល្លារ ជះឥទ្ធិពលអ្វីខ្លះដល់ទីផ្សារការងាររបស់យុវជន ?

រដ្ឋាភិបាល តែងតែយកចិត្តទុកដាក់ក្នុងការអភិវឌ្ឍការងារ និងឱកាសការងារក្នុងប្រទេស ដើម្បីបង្កើនប្រាក់ចំណូលជូនប្រជាពលរដ្ឋ ពិសេសយុវជន ។ ទន្ទឹមនឹងនេះ រាជរដ្ឋាភិបាលក៏បានខិតខំស្វែងរកទីផ្សារការងារល្អៗនៅបរទេសជូនយុវជន ដើម្បីទទួលបានប្រាក់ឈ្នួលខ្ពស់ និងជំនាញវិជ្ជាជីវៈ ក្នុងការរួមចំណែកអភិវឌ្ឍសេដ្ឋកិច្ចជាតិ ។

លើសពីនេះទៅទៀត ដើម្បីទប់ស្កាត់ការធ្វើចំណាកស្រុកដោយខុសច្បាប់ និងផ្ដល់ភាពធ្វើការងារស្របច្បាប់ជូនពលករខ្មែរ ក៏ដូចជាការលើកកម្ពស់ការការពារសិទ្ធិរបស់ពលករ រាជរដ្ឋាភិបាលតែងតែយកចិត្តទុកដាក់ និងផ្ដល់ឱកាសដល់យុវជនដូចជា ៖

• ផ្ដល់លិខិតឆ្លងដែនដែលឥតគិតថ្លៃ

- លិខិតឆ្លងដែនធម្មតាផ្ដល់ជូនតែពលករ ពលការិនីខ្មែរដែលត្រូវធ្វើការដោយស្របច្បាប់នៅបរទេសដោយអាករជាបន្ទុករបស់រដ្ឋ ។

- តម្លៃ ៤ ដុល្លារអាមេរិក សម្រាប់ថ្លៃថតរូបតែប៉ុណ្ណោះ ។

• ជួយកាត់បន្ថយបន្ទុកចំណាយដល់ពលករ ពលការិនីខ្មែរ និងលើកកម្ពស់ជីវភាពរបស់ប្រជាពលរដ្ឋ ។
• បង្ហាញអំពីការយកចិត្តទុកដាក់របស់រាជរដ្ឋាភិបាល ដែលដឹកនាំដោយ សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ។
• ពលករ ពលការរីខ្មែរទៅធ្វើការនៅបរទេស ពិសេសនៅប្រទេសថៃទទួលបានភាពស្របច្បាប់គ្រប់ៗគ្នា នាពេលអនាគត ។
• ពលករទៅធ្វើការបរទេសភាគច្រើនជាយុវជននេះ ក៏ជាការចូលរួមចំណែកមួយរបស់រាជរដ្ឋាភិបាលក្នុងការផ្ដល់ឱកាសការងារដល់យុវជននៅបរទេស ។
• ពលករ ពលការិនីទទួលបានប្រាក់ឈ្នួលខ្ពស់ ជំនាញបច្ចេកទេស និងវិជ្ជាជីវៈ ដើម្បីរួមចំណែកអភិវឌ្ឍសង្គមគ្រួសារ និងសេដ្ឋកិច្ចជាតិ ។