សំណួរ-ចម្លើយ គណនេយ្យ (ភាគ៦)

សំណួរ

២៦- មានការលើកឡើងនិងចាត់ទុកថា ប្រទេសកម្ពុជា ជាប្រទេសដុល្លារូបនីយកម្ម ។ ចូរពន្យល់និងរៀបរាប់ពីគុណសម្បត្តិនិងគុណវិបត្តិ ។

២៧- រដ្ឋាភិបាលកម្ពុជាកំពុងវិនិយោគលើវិស័យសាធារណៈ ។ តើវិស័យសាធារណៈចម្បងៗសណាខ្លះ ដែលរដ្ឋាភិបាលកម្ពុជាកំពុងផ្តោតការយកចិត្តទុកដាក់វិនិយោគខ្លាំង ? ចូរបកស្រាយ ។

២៨- នៅឆ្នាំ ២០០៥ ក្រុមហ៊ុនទិញទំនិញមួយមានសន្និធិដើមគ្រា (Beginning Inventory) $81,000 ។ ក្រុមហ៊ុនបានទិញចូលក្នុងគ្រាបន្ថែមចំនួន $450,000 ថ្លៃដឹកជញ្ជូន $16,200 ការបង្វិលទំនិញត្រឡប់ទៅអ្នកផ្គត់ផ្គង់វិញ $5,800 ការចុះអប្បហារលើការទិញ $5,000 ហើយសន្និធិចុងគ្រាមានតម្លៃ $70,200 ។ ចូរគណនាថ្លៃទំនិញលក់ (Cost of Goods Sold) ?

ចម្លើយ

២៦-  មានការលើកឡើងនិងចាត់ទុកថា ប្រទេសកម្ពុជា ជាប្រទេសដុល្លារូបនីយកម្ម ។ ពន្យល់និងរៀបរាប់ពីគុណសម្បត្តិនិងគុណវិបត្តិរបស់ដុល្លារូបនីយកម្ម ៖

គុណសម្បត្តិ ៖

• អាចបញ្ចៀសកុំឲ្យកម្ពុជាប្រឈមមុខនឹងចលនាហូរចេញមូលធនទៅក្រៅប្រទេស ក្នុងពេលដែលសាធារណៈជនមិនមានទំនុកចិត្តលើលុយរៀល
• ទប់ស្កាត់ការយកលុយដុល្លារ ទៅផ្ញើនៅធនាគារបរទេស និងការទិញមាសទុក
• ការចាយលុយដុល្លារ គឺជួយសម្រួលដល់កម្ពុជាក្នុងការធ្វើសមាហរណកម្មក្នុងពាណិជ្ជកម្មអន្តរជាតិ
• ជំរុញការវិនិយោគបរទេសក្នុងប្រទេសកម្ពុជា ជាពិសេសវិស័យកាត់ដែរ ។

គុណវិបត្តិ ៖

• កម្ពុជានឹងទទួលផលប៉ះពាល់ដល់គោលនយោបាយម៉ាក្រូសេដ្ឋកិច្ចរបស់ខ្លួន តាមរយៈគោលនយោបាយរូបិយវត្ថុ
• គោលនយោបាយរូបិយវត្ថុ មិនបានឆ្លើយតបទៅនឹងស្ថានភាពសេដ្ឋកិច្ចរបស់ខ្លួន
• បាត់បង់តម្លៃលុយរៀល ដែលជារូបិយប័ណ្ណជាតិ និងអធិបតេយ្យជាតិ ។

២៧- រដ្ឋាភិបាលកម្ពុជាកំពុងវិនិយោគលើវិស័យសាធារណៈ ។ វិស័យសាធារណៈចម្បងៗ ដែលរដ្ឋាភិបាលកម្ពុជាកំពុងផ្តោតការយកចិត្តទុកដាក់វិនិយោគខ្លាំងមានដូចជា ៖

• ការអភិវឌ្ឍធនធានមនុស្ស និងបណ្តុះបណ្តាលបច្ចេកទេសវិជ្ជាជីវៈដោយផ្តោតពិសេសទៅលើយុវជន
• ការបន្តវិនិយោគលើវិស័យហេដ្ឋារចនាសម្ព័ន្ធរូបវ័ន្ត និងភាពប្រកួតប្រជែងរបស់សេដ្ឋកិច្ចកម្ពុជា
• ការបន្តអភិវឌ្ឍវិស័យកសិកម្ម ក្នុងគោលបំណងជំរុញកំណើសេដ្ឋកិច្ច និងកាត់បន្ថយភាពក្រីក្ររបស់ប្រជាជន ព្រមទាំងអភិវឌ្ឍសេដ្ឋកិច្ច ជនបទតាមរយៈបង្កើនផលិតភាពទំនើបកម្មកសិកម្ម ការអភិវឌ្ឍ វិស័យឧស្សាហកម្ម និងការលើកកម្ពស់ពាណិជួបនីយកម្ម ។
• ការពង្រឹងអភិបាលកិច្ច និងសមត្ថភាពស្ថាប័នរដ្ឋ សំដៅបង្កើនប្រសិទ្ធភាព និងគុណភាពសេវាសាធារណៈ ភាពប្រកួតប្រជែងរបស់កម្ពុជា និងការកែលម្អបរិយាកាសវិនិយោគ ។

២៨- គណនា Cost of goods Sold

Beginning Inventory                                                                           $81,000

Purchases                                                                    $540,000

Less: Purchase returns                         $5,800

Purchase discount                                 $5,000           $  10,800

Net Purchases                                                              $529,000

Add: Freight-in                                                              $  16,200

Cost of goods purchased                                              $545,400

Cost of goods available for sale                                                          $626,400

Ending inventory                                                                                 $  70,200

Cost of goods sold                                                                              $556,200