សំណួរ-ចម្លើយ ការគ្រប់គ្រងហិរញ្ញវត្ថុអន្តរជាតិ (ភាគ៦)

សំណួរ

២៦- តើរចនាសម្ព័ន្ធចាត់តាំងមានគណៈកម្មាធិការ មានន័យដូចម្តេច ?

២៧- តើគុណសម្បត្តិ និង គុណវិបត្តិនៃរចនាសម្ព័ន្ធចាត់តាំងមានគណៈកម្មាធិការមានអ្វីខ្លះ ?

២៨- តើរចនាសម្ព័ន្ធចាត់តាំងបែបម៉ាទ្រីក មានន័យដូចម្តេច ?

២៩- តើគុណសម្បត្តិ និង គុណវិបត្តិនៃរចនាសម្ព័ន្ធចាត់តាំងបែបម៉ាទ្រីកមានអ្វីខ្លះ ?

៣០- តើការគ្រប់គ្រងធនធានមនុស្ស និង អ្នកគ្រប់គ្រងធនធានមនុស្ស មានន័យដូចម្តេច ?

ចម្លើយ

២៦- រចនាសម្ព័ន្ធចាត់តាំងមានគណៈកម្មាធិការ គំរូររចនាសម្ព័ន្ធបែបនេះគឺវាជំនួសអោយអំណាច​បុគ្គលជា​អ្នក​ត្រួតត្រាគ្រប់ជាន់ថ្នាក់ដោយមនុស្សមួយក្រុម ដែលតំណាងអោយអ្នកប្រតិបត្តិផ្សេងៗ​​របស់ក្រុម​ហ៊ុន ​។ រចនាសម្ព័ន្ធនេះគេមិនសូវប្រើវាក្នុងភាពសុត្ធសាធតែឯកឯងបានទេ ព្រោះវាមានការលំបាកស្មុគស្មាញ​ក្នុងការចាត់ចែងការងារម្លោះហើយគេតែងតែផ្សំផ្គុំវាជាមួយនឹងរចនាសម្ព័ន្ធចាត់តាំងប្រភេទដទៃទៀតដូចជាយើងបានរៀបរាប់ខាងដើម ។

២៧- គុណសម្បត្តិ និងគុណវិបត្តិនៃរចនាសម្ព័ន្ធចាត់តាំងមានគណៈកម្មាធិការ ៖

+ គុណសម្បត្តិ៖

• អាចបង្រួបបង្រួមបុគ្គលិកដែលមានឯកទេសនិងទស្សនៈផ្សេងគ្នាអោយមកធ្វើការជាមួយគ្នាបាន
• អាចផ្តល់កិច្ចប្រជុំសំរាប់ផ្តោះប្តូគំនិតយោបល់គ្នាក្នុងចំណោមសមាជិកទាំងអស់
• ផ្តល់យោបល់គ្នាច្រើនក្នុងការដាក់ចេញនូវសេចក្តីសម្រេចនីមួយៗ ។

+ គុណវិបត្តិ៖

• ពិបាករៀបចំកិច្ចប្រជុំ
• ខ្វះអំណាចដើម្បីប្រតិបត្តិតាមសេចក្តីស្នើផ្សេងៗដែលអាចកើតមានឡើងជាញឹកញាប់
• ចាំបាច់ត្រូវតែមានការសំរបសំរួល ។

២៨- រចនាសម្ព័ន្ធចាត់តាំងបែបម៉ាទ្រីក គឺផ្តោតលើការយកចិត្តទុកដាក់របស់អង្គភាពឆ្ពោះទៅរកទីផ្សារជាតិ ​ជាពិសេសដោយមិនចាំបាច់ប្រឹងប្រែងពីដង និងមិនចាំបាច់ចំណាយខ្ពស់ទៅលើរដ្ឋបាល គឺមាន​ន័យថា​ការសំរបសំរួលគួរតែធ្វើអោយបានល្អ នៅពេលដែលសមាជិករបស់អង្គភាពផ្សេងៗធ្វើការជាមួយគ្នាទៅវិញទៅមក រៀនសូត្រពីបញ្ហាពីគ្នាទៅវិញទៅមក ។

២៩- គុណសម្បត្តិ និង គុណវិបត្តិ នៃរចនាសម្ព័ន្ធចាត់តាំងបែបម៉ាទ្រីក ៖

+ គុណសម្បត្តិ ៖

• បានកំណត់ទៅលើទិសដៅតាមលទ្ធផលចុងក្រោយរបស់អង្គការចាត់តាំង
• កំណត់យកឯកសារសំខាន់ដែលអាចធានាបានចំពោះដំណើរប្រតិបត្តិការលើគម្រោងនីមួយៗ
• ទទួលខុសត្រូវច្បាស់លាស់ចំពោះកាតព្វកិច្ចនិងឯកទេសនីមួយៗដើម្បីសម្រេចប្រយោជន៍រួម

+ គុណវិបត្តិ ៖

• អាចមានទំនាស់ពីសិទ្ធិក្នុងការងារ
• អាចមានការមិនឯកភាពគ្នាពីការបញ្ជា
• ទាមទាអោយមានអ្នកគ្រប់គ្រងនីមួយៗមានឥទ្ធិពលល្អជាមួយអ្នកគ្រប់គ្រងតាមគម្រោងនីមួយៗ ។

៣០- ការគ្រប់គ្រងធនធានមនុស្ស និង អ្នកគ្រប់គ្រងធនធានមនុស្ស មានន័យថា ៖

• ការគ្រប់គ្រងធនធានមនុស្ស គឺជាការប្រើប្រាស់ធនធានមនុស្សដើម្បីសម្រេច​គោលដៅរបស់​អង្គភាព។
• អ្នកគ្រប់គ្រងធនធានមនុស្ស គឺជាអ្នកធ្វើសកម្មភាពទាក់ទងទៅនឹងសមត្ថភាពរបស់បុគ្គលិក និង​ធ្វើការជាមួយអ្នកគ្រប់គ្រងដទៃទៀតដើម្បីជួយពួកគេលើការពាក់ព័ន្ធជាមួយនឹងការប្រើប្រាស់ធនធានមនុស្សភាគច្រើននៃសកម្មភាពរបស់គេគឺជួយផ្តល់យោបល់ និងជួយក្នុងការបង្កើត​គោល​នយោបាយទំនាក់ទំនងមនុស្សដែលត្រូវអនុវត្តតាមបណ្តាញអ្នកគ្រប់គ្រង ។

តភាគ