សំណួរ-ចម្លើយ ការគ្រប់គ្រងហិរញ្ញវត្ថុអន្តរជាតិ (ភាគ៨)

សំណួរ

៣៦- តើមុខងារនៃកិច្ចដឹកនាំ Key Functions of Leadership មានអ្វីខ្លះ ?

៣៧- តើអំណាចផ្លូវច្បាប់ ឬស្របច្បាប់ មានន័យដូចម្តេច ?

៣៨- តើអំណាចជំនាញមានន័យដូចម្តេច ?

៣៩- តើអំណាចរង្វាន់លាភសក្ការៈ មានន័យដូចម្តេច ?

៤០- តើអំណាចទណ្ឌកម្ម មានន័យដូចម្តេច ?

ចម្លើយ

៣៦- មុខងារនៃកិច្ចដឹកនាំ Key Functions of Leadership មានដូចជា ៖

• ការធ្វើផែនការ Planning
• ការផ្តួចផ្តើមគំនិត Initiating
• ការត្រួតពិនិត្យ Controlling
• ការឧបត្ថម្ភ Supporting
• ការផ្សព្វផ្សាយ Informing
• ការវាយតំលៃ Evaluating

៣៧- អំណាចផ្លូវច្បាប់ ឬស្របច្បាប់ គឺជាអំណាចអាស្រ័យដោយឋានៈតួនាទីក្នុងអង្គភាព ឬជាអំណាចដែល​អាស្រ័យ​ទៅលើមុខតំណែងរបស់អ្នកប្រើប្រាស់ ដែលត្រូវបានគេផ្តល់អោយតាមរយៈការតែងតាំង ឬ​ចាត់តាំង ។ ឧទាហរណ៍ អំណាចរបស់នាយកសាលារៀនក្នុងការត្រួតពិនិត្យមើលនិងបង្គាប់បញ្ជាគ្រូ ។

៣៨- អំណាចជំនាញ គឺជាអំណាចអាស្រ័យដោយចំណេះដឹង ឯកទេសនិងជំនាញឬបានមកពីចំណេះដឹង​ពិសេសរបស់​មនុស្សម្នាក់ឬជំនាញពិសេសដែលមនុស្សម្នាក់ទៀតគ្មាន។

៣៩- អំណាចរង្វាន់លាភសក្ការៈ គឺជាអំណាចអាស្រ័យដោយសមត្ថភាពផ្តល់អោយ ឬមិន​ផ្តល់អោយនូវ​ធន​ធាន​ដែលសំខាន់ៗសំរាប់អ្នកដទៃ ឬជាអំណាចដែលបានមកពីលទ្ធភាពរបស់​មនុស្សម្នាក់ជូនរង្វាន់ដល់​មនុស្សម្នាក់ទៀត ឬបានមកពីការត្រួតពិនិត្យធនធានដែលមនុស្សម្នាក់ទៀតត្រូវការ ។ ឧទាហរណ៍ នាយក​សា​លាអាចស្នើតំឡើងឋានៈចំពោះអ្នកណាដែលគាត់យល់ថាត្រូវតំឡើង ។

៤០- អំណាចទណ្ឌកម្ម គឺជាអំណាចអាស្រ័យដោយសមត្ថភាពអាចធ្វើអោយឈឺចាប់ខាងផ្លូវចិត្ត ភាពអាម៉ាស់ ការបញ្ចុះបុណ្យស័ក្តិ ការបណ្តេញចោល ការធ្វើអោយមិនស្រណុកកាយសប្បាយចិត្ត ឬជាអំណាច​ដែល​បានមកពីលទ្ធភាពរបស់មនុស្សម្នាក់ដាក់ទណ្ឌកម្មទៅលើមនុស្សម្នាក់ទៀត ។

តភាគ