វិញ្ញាសាមុខវិជ្ជាជីវៈវិទ្យា ( វិញ្ញាសាទី៤៤ )

សំនួរ

១. ដូចម្តេចដែលហៅថា ស្ប៉រ៉ូភីត ? កាម៉ែតូភីត ?

២. តើការឆ្លាស់កំណើតនៃស្ប៉រ៉ូភីត និងកាម៉ែតូភីតឆ្លងកាត់វគ្គអ្វីខ្លះ ? ចូររៀបរាប់វគ្គនីមួយៗ ។

៣. ចូរឲ្យនិយមន័យការបង្កាត់ជិត និងការបង្កាត់ឆ្ងាយ ។      

៤. ប្រៀបធៀបលទ្ធផលនៃការបង្កាត់ជិត និងការបង្កាតឆ្ងាយ ។

៥. ហេតុអ្វីបានជាពេលមានការប៉ះទង្គិច ឬរបួសមុតដាច់ធ្វើឲ្យយើងមានការឈឺចាប់ ?

ចម្លើយ

១. ស្ប៉រ៉ូភីតជាទម្រង់នៃរុក្ខជាតិដែលផលិតស្ប៉អាប្លូអ៊ីត ។ កាម៉ែតូភីតជាទម្រង់នៃរុក្ខជាតិដែលមាននាទីផលិតកាម៉ែត ។

២. ឆ្លងកាត់វគ្គអាប្លូអ៊ីត និងវគ្គឌីប្លូអ៊ីត  ។

• វគ្គអាប្លូអ៊ីតៈ ចាប់ផ្តើមដោយបាតុភូតបង្កកំណើត
• វគ្គឌីប្លូអ៊ីតៈ ចាប់ផ្តើមដោយបាតុភូតមេយ៉ូស ។

៣. ការបង្កាត់ជិត គឺជាការបង្កាត់រវាងសត្វ ចេញពីមេបាមួយគូ រមេបានិងកូនរបស់វា ។ ការបង្កាត់ឆ្ងាយ គឺជាការបង្កាត់រវាងពូជខុសគ្នា មានខ្សែស្រឡាយខុសគ្នា ឬប្រភេទខុសគ្នា ។

៤. ការបង្កាត់ជិតៈ

• បង្កាត់រវាងកូនដែលកើតពីមេបា តែមួយឬរវាងកូននិងកូនគ្នាវា
• សណ្តានក្រោយមានកម្លាំងជីវីតខ្សោយលទ្ធភាពដែលនិងនាំទៅរកការផុតពូជ ។

ការបង្កាត់ឆ្ងាយៈ                          

• បង្កាត់រវាងពូជខុសគ្នា ឬមានខ្សែស្រឡាយខុសគ្នា ឬប្រភេទខុសគ្នា
• អ៊ីប្រីត ( កូនចៅ ) មានលក្ខណៈល្អ លូតលាស់ឆាប់បានផល ទិន្នផលខ្ពស់ និងធន់នឹងជម្ងឺបានល្អ
• អារ ​មិនអាចបង្កកំណើតបានក្នុងករណីមេបាប្រភេទខុសគ្នា​ ។

៥. បានជាមានការប៉ះទង្គិចឬរបួសដោយមុតដាច់ធ្វើឲ្យមានការឈឺចាប់ព្រោះធ្មួលវិញ្ញាណឈឺចាប់លាតសន្ធឹងយ៉ាងច្រើនក្នុងស្រទាប់អេពីឌែមដែលរួសទៅនឹងការឈឺចាប់ ។ គ្រប់សរសៃប្រសាទវិញ្ញាណដែលទទួលរំញោចចាប់បញ្ជូនព័ត៌មាននេះទៅកាន់សំបកខួរក្បាលដែលនៅទីនេះព័ត៌មានត្រូវបានវិភាគនិងបកស្រាយ ។