ហេតុអ្វីបានជារដ្ឋធម្មនុញ្ញហាមមិនឱ្យមានទោសប្រហារជីវិត ?

ព្រោះនៅក្នុងកិច្ចព្រមព្រៀងទីក្រុងប៉ារីសគេបានចងលក្ខខណ្ឌច្រើន ទាំងសិទ្ធិមនុស្ស ជំនឿ សាសនា ពិសេសរបបប្រជាធិបតេយ្យសេរី ភាគីទាំងអស់នៃកិច្ចព្រមព្រៀងបានយល់ព្រមថាបើធ្វើរដ្ឋធម្មនុញ្ញត្រូវលុបចោល ទោសប្រហារជីវិតនេះ ដូច្នេះហើយទើបសភាធម្មនុញ្ញគោរពតាមកិច្ចព្រមព្រៀងនេះ ។ ដូច្នេះ រដ្ឋធម្មនុញ្ញយើង គឺជារដ្ឋធម្មនុញ្ញជឿនលឿនបើប្រៀបធៀបទៅនឹងរដ្ឋធម្មនុញ្ញនៃបណ្តាប្រទេសមួយចំនួន ។ យើងហ៊ានសរសេរអំពីការគោរពសិទ្ធិមនុស្សក្នុងរដ្ឋធម្មនុញ្ញរបស់យើង ហើយការកាត់ទោសប្រហារជីវិតត្រូវលុបបំបាត់ចោល ដូច្នេះហើយទើបមិនអាចដាក់បានទេ ព្រោះប៉ះពាល់ដល់កិច្ចព្រមព្រៀងទីក្រុងប៉ារីស ។