សំណួរ-ចម្លើយ សទ្ទានុក្រម នីតិវិធីរដ្ឋប្បវេណី (ភាគ១៦)

សំណួរ

៧៦- តើសមត្ថកិច្ចផ្តាច់មុខសំដៅដល់អ្វី ?

៧៧- តើសមត្ថភាពភាគីសំដៅដល់អ្វី ?

៧៨- តើសមូហវិធីសំដៅដល់អ្វី ?

៧៩- តើសហបណ្តឹងចាំបាច់សំដៅដល់អ្វី ?

៨០- តើសាលក្រមកំបាំងមុខសំដៅដល់អ្វី ?

ចម្លើយ

៧៦- សមត្ថកិច្ចផ្តាច់មុខ សំដៅដល់អំណាចដែលផ្តល់ឲ្យតុលាការណាមួយជាកំណត់ក្នុងការទទួលបណ្តឹងវិនិច្ឆ័យរឿងក្តីចេញសាលក្រម ឬសាលដីកា ។

៧៧- សមត្ថភាពភាគី សំដៅដល់សិទ្ធិនិងកាតព្វកិច្ចតាមបញ្ញត្តិនៃក្រមនីតិវិធីរដ្ឋប្បវេណី និងច្បាប់ផ្សងៗទៀត ដែលបានកំណត់ឲ្យបុគ្គលណាមួយអាចជាដើមចោទ ឬចុងចម្លើយ ។

៧៨- សមូហវិធី សំដៅដល់ការធ្វើឡើងនៅពេលតែមួយ និងដោយប្រមូលផ្តុំ ។ ឧទាហរណ៍ ការសាកសួរសាក្សី ឬគូភាគីអាចធ្វើតាមរបៀបសមូហវិធីបាន ។

៧៩- សហបណ្តឹងចាំបាច់ សំដៅដល់ករណីដែលសិទ្ធិ ឬកាតព្វកិច្ចជាកម្មវត្ថុនៃបណ្តឹង និងត្រូវសម្រេចជាស្ថាពរបាន លុះត្រាតែមានការចូលរួមពីអ្នកធ្វើសហបណ្តឹងទាំងអស់ ។

៨០- សាលក្រមកំបាំងមុខ សំដៅដល់សាលក្រមដែលតុលាការសម្រេច ដោយគ្មានវត្តមានរបស់ភាគីដើមចោទ ឬភាគីចុងចម្លើយ ឬអ្នកតំណាងស្របច្បាប់របស់ដើមចោទ ឬចុងចម្លើយ ។

តភាគ