ដំណើរការដំបូងនៃបណ្តឹងរដ្ឋប្បវេណីគឺមានដំណាក់កាលគឺ ៖
- ដំណាក់កាលទី១ ដាក់ពាក្យបណ្ដឹងជាលាយលក្ខណ៍អក្សរឬផ្ទាល់មាត់ក៏បាននៅតុលាការរាជធានី-ខេត្តដែលមានក្រឡាបញ្ជីជាអ្នកពិនិត្យពាក្យបណ្តឹងឬកត់ត្រាពាក្យសំដី ។
- ដំណាក់កាលទី២ ដំណាក់ការផ្សះផ្សាតុលាការទទួលភារៈជួយភាគីបណ្ដឹងដោយគ្មានការបង់ប្រាក់អ្វីទាំងអស់ដូចជារឿងក្តីអាពាហ៍ពិពាហ៍និងគ្រួសារជាដើម ។
- ដំណាក់កាលទី៣ ការចុះបញ្ជីបណ្ដឹងនិងប្រាក់ប្រដាប់ក្តីនៅពេលដែលដើម បណ្តឹងដាក់ សំអាងរបស់ខ្លួនតែចំពោះជនក្រីក្រ ដែលមានបញ្ជាក់ពីអាជ្ញាធរ មូលដ្ឋានអាចលើកលែងដោយមិនបាច់បង់ប្រាក់ ដោយមានប្រធានតុលាការជាអ្នកចេញដីកាសម្រេចអនុគ្រោះឬមិនអនុគ្រោះ ។
- ដំណាក់កាលទី៤ ដំណាក់អង្កេតស៊ើបសួរក្នុងករណីដែលភាគីទាំងអស់មិនអាច សះជានឹងគ្នា ។ ប្រធានតុលាការតែងតាំងចៅក្រមអង្កេតស៊ើបសួរម្នាក់ ដើម្បីធ្វើការស៊ើបអង្កេតពី រឿង ដែលបានប្តឹងនោះដោយប្រមូលផ្ដុំព័ត៌មានឱ្យបានគ្រប់គ្រាន់ និងច្បាសលាស់ដើម្បីធ្វើរបាយការណ៍បង្ហាញនៅពេលជំនុំជម្រះក្តី ។
- ដំណាក់កាលទី៥ ការប្តឹងដិតចិត្តជាការប្តឹងជំទាស់ទៅនឹងសមាសភាពចៅក្រម ក្នុងពេលជំនុំជម្រះប្រសិនបើភាគី បណ្តឹងជឿថាពុំអាចមានភាពយុត្តិធម៌សម្រាប់ខ្លួនដោយប្រការណាមួយនោះ ។
