តើកិច្ចព្រមព្រៀងអន្តរជាតិសំដៅដល់អ្វី ?

កិច្ចព្រមព្រៀងអន្តរជាតិ មានន័យដូចសន្ធិសញ្ញាដែរ ប៉ុន្តែមានលក្ខណៈផ្លូវការតិចជាងសន្ធិសញ្ញា ។ លក្ខណវិនិច្ឆ័យនៃកិច្ចព្រមព្រៀងគឺ ៖

• ត្រូវបានប្រើជាពិសេសសម្រាប់លិខិតូបករណ៍ ដែលមានលក្ខណៈបច្ចេកទេសឬរដ្ឋបាល ។
• កិច្ចព្រមព្រៀងមិនទាមទារឲ្យមានការផ្តល់សច្ចាប័នពីសភាឡើយ ។
• ក្នុងករណីខ្លះកិច្ចព្រមព្រៀងអាចមិនមានទម្រង់ជាលាយលក្ខណ៍អក្សរ ដូចជា កិច្ចព្រមព្រៀងផ្ទាល់មាត់ដែលអាចជាកិច្ចសន្យា ដែលធ្វើឡើងដោយនាយករដ្ឋមន្រ្តី រដ្ឋមន្ត្រីការបរទេសនៃប្រទេសមួយជាមួយដៃគូរបស់ខ្លួន​ ឬជាមួយរដ្ឋដទៃទៀត ។