សំណួរ-ចម្លើយ វិស័យមុខងារសាធារណៈ (ភាគ១)

សំណួរ

១- តើអ្វីទៅជាសេវាសាធារណៈ ?

២- តើសេវាសាធារណៈអ្វីខ្លះដែលរដ្ឋមិនតម្រូវឲ្យបង់ប្រាក់ ?

៣- តើអ្វីទៅជាក្របខណ្ឌគតិយុត្តអន្តរកាល ?

៤- តើទម្រង់ព្រះរាជក្រឹត្យមានប៉ុន្មានប្រភេទ ? អ្វីខ្លះ ?

៥- តើមុខតំណែងអ្វីខ្លះដែលតែងតាំងដោយព្រះរាជក្រឹត្យ ?

ចម្លើយ

១- សេវាសាធារណៈ ជាសកម្មភាពទាំងឡាយណាដែលធ្វើឡើងដោយស្ថាប័នមានសមត្ថកិច្ច ក្នុងគោលបំណងបម្រើប្រយោជន៍សាធារណៈ ។

២- សេវាធារណៈដែលរដ្ឋមិនតម្រូវឲ្យបង់ប្រាក់មានដូចជា ៖

• ការធ្វើសំបុត្រអត្រានុកូលដ្ឋាន
• ការផ្តល់សៀវភៅស្នាក់នៅ
• ទុតិយ ឬតតិយតា សៀវភៅស្នាក់នៅ
• ការស្នើរសុំ ឬបន្ថយសមាជិកក្នុងសៀវភៅស្នាក់នៅ
• ការផ្តល់សៀវភៅគ្រួសារ
• ទុតិយ ឬតតិយតា សៀវភៅគ្រួសារ
• ការផ្តល់អត្តសញ្ញាប័ណ្ណសញ្ជាតិខ្មែរ ។

៣- ក្របខណ្ឌគតិយុត្តអន្តរកាល សំដៅដល់ការបង្កើតឡើងនូវគោលការណ៍ណែនាំ ឬនីតិវិធីជាបណ្តោះអាសន្ននានា ដើម្បីគ្រប់គ្រងបុគ្គលរដ្ឋបាលថ្នាក់ជាតិ នៅមុនពេលដែលក្របខណ្ឌគតិ យុត្តអចិន្រ្តៃយ៍ សម្រាប់គ្រប់គ្រងបុគ្កលរដ្ឋបាលថ្នាក់ក្រោមជាតិ ត្រូវរៀបចំ និងអនុម័តជាផ្លូវការ ។

៤- ទម្រង់ព្រះរាជក្រឹត្យមាន២ប្រភេទគឺ ៖

• ព្រះរាជក្រឹត្យបទបញ្ជា
• ព្រះរាជក្រឹត្យឯកត្តភូត ។

៥- មុខតំណែងដែលតែងតាំងដោយព្រះរាជក្រឹត្យមានដូចជា ៖

• ទេសាភិបាល ទេសាភិបាលរងនៃធនាគារជាតិ
• ទីប្រឹក្សារដ្ឋាភិបាល ទីប្រឹក្សានាយករដ្ឋមន្ត្រី
• អគ្គលេខាធិការក្រសួង អគ្គនាយកក្រសួង
• ប្រតិភូរាជរដ្ឋាភិបាល
• អភិបាលខេត្ត ក្រុង
• ឯកអគ្គរាជទូត
• ប្រេសិតវិសាមញ្ញ និងពេញសមត្ថភាព
• នាយអគ្គសេនាធិការ និងនាយកអគ្គសេនាធិការ
• ឧត្តមសេនីយ៍ឡើងទៅ ។