តើ​ការគ្រប់គ្រង និង ការដឹកនាំខុសគ្នា​យ៉ាងដូចម្តេច?

មិន​ថាប្រធាន​ឬ​ចៅហ្វាយនាយ​របស់​អ្នកប្រើ​របៀប​នៃ​ការគ្រប់គ្រង ឬ​របៀប​នៃ​ការដឹកនាំ​នោះទេ គឺ​សុទ្ធតែ​ចង់​ឲ្យ​បុគ្គលិក​ធ្វើការ​ប្រកបដោយ​ការទទួលខុសត្រូវ​ខ្ពស់ និង​ទទួលបាន​ផលប្រយោជន៍​ច្រើន។ ប្រធាន​ឬ​ចៅហ្វាយនាយម្នាក់ៗ សុទ្ធតែ​ប្រើ​របៀប​ផ្សេងគ្នា​ទៅតាម​អ្វីដែល​ពួកគេ​គិតថា មាន​ប្រសិទ្ធភាព​ខ្ពស់ជាង អ្នកខ្លះ​ប្រើ​របៀប​នៃ​ការគ្រប់គ្រង​បុគ្គលិក និង​អ្នក​ខ្លះទៀត ប្រើ​របៀប​នៃ​ការដឹកនាំ​បុគ្គលិក។ តើ​វា​មាន​លក្ខណៈ​ខុសគ្នា​យ៉ាងដូចម្តេច?

របៀប​នៃ​ការគ្រប់គ្រង​បុគ្គលិក

•  ឲ្យ​បុគ្គលិក​ធ្វើការ​ទៅតាម​អ្វីដែល​ខ្លួន​បានកំណត់
• គិតពី​ផលប្រយោជន៍​ច្រើនជាង​គិតពី​សុខទុក្ខ​របស់​បុគ្គលិក
•  ប្រើពាក្យ​ស្តីបន្ទោស​ច្រើនជាង​លើកទឹកចិត្ត នៅពេល​បុគ្គលិក​ធ្វើ​ខុស
•  តែងតែ​ដាក់​ពេល​កំណត់​ឲ្យ​បុគ្គលិក​ធ្វើការ​ឲ្យ​បាន​តាម​ការកំណត់​រប​ស់​ខ្លួន 
• តែងតែ​ប្រើ​ច្បាប់ទម្លាប់ ដោយ​មិន​គិតពី​ហេតុផល​របស់​បុគ្គលិក។ 

របៀប​នៃ​ការដឹកនាំ​បុគ្គលិក

• យកគំនិត​យោបល់​របស់​បុគ្គលិក​ច្រើនជាង​គិតតែ​ពី​គំនិត​របស់ខ្លួន
• នៅពេល​បុគ្គលិក​ធ្វើ​ខុស តែងតែ​ប្រើពាក្យ​លើកទឹកចិត្ត​ក្នុងការ​កែលម្អ
• គិតពី​សុខទុក្ខ និង​ប្រយោជន៍​របស់​បុគ្គលិក ច្រើនជាង​ប្រយោជន៍​ផ្ទាល់ខ្លួន
• តែងតែ​បង្ហាត់បង្រៀន​បុគ្គលិក​ដែល​ទន់ខ្សោយ​ឲ្យ​ពូកែ​ដូច​ខ្លួន
• ពិចារណា​ពី​ហេតុផល​របស់​បុគ្គលិក ច្រើនជាង​គិតពី​ច្បាប់ទម្លាប់។