ពណ៌នាពីររបៀបផ្សេងៗនៃការឆ្លងជំងឺព្រមទាំងឲ្យឧទាហរណ៍បញ្ជាក់ ?

ពណ៌នាពីរបៀបផ្សេងៗនៃការឆ្លងជំងឺៈ

• ការឆ្លងជំងឺពីមនុស្សៈ ភ្នាក់ងារបង្កជំងឺតែងតែឆ្លងពីមនុស្សម្នាក់ទៅមនុស្សម្នាក់ទៀត តាមរយៈការប៉ះផ្ទាល់ដូចជាថើបនិងចាប់ដៃ ។ ឧទាហរណ៍ៈ ការប៉ះពាល់វត្ថុដែលអ្នកជំងឺប្រើប្រាស់ដូចជាសំលៀកបំពាក់ កន្សែងជូតខ្លួន កែវទឹក ... ( ជំងឺអុតស្វាយ កញ្រ្ជឹល ) ។ ជំងឺក៏អាចឆ្លងទៅមនុស្សម្នាក់ទៀតដោយប្រយោលផងដែរ ។ ដង្ហើមអាចនាំមេរោគពីអ្នកជំងឺនៅពេលក្អក កណ្តាស់ ឬថើប ។ ឧទាហរណ៍ៈ  របេង​ ផ្តាសាយ ហើមសួត....​។
• ការឆ្លងតាមចំណីអាហារនិងទឹកៈ ការទទួលទានចំណីអាហារនិងផឹកទឹកមិនស្អាត ក៏បណ្តោលឲ្យមានជំងឺផងដែរ ។ ឧទាហរណ៍ៈ អាសន្នរោគ រាគមួល... ។
• ការឆ្លងតាមវត្ថុមិនស្អាតៈ យើងអាចប៉ះពាល់ផ្ទាល់នឹងភ្នាក់ងារជំងឺតាមរយៈការប្រើប្រាស់កូនកន្សែងដៃ ឬស្លាប់ព្រាដែលអ្នកជំងឺធ្លាប់ប្រើប្រាស់  ។ ឧទាហរណ៍ៈ បាក់តេរីនៃជំងឺតេតាណូសក៏អាច ឆ្លងទៅមនុស្សម្នាក់ទៀត ប្រសិនបើគេប្រើប្រាស់វត្ថុកខ្វក់លាយឡំគ្នា ។
• ការឆ្លងពីសត្វៈ ប្រសិនបើមនុស្សម្នាក់ត្រូវសត្វខាំ សត្វនោះនិងចម្លងភ្នាក់ងារបង្កជំងឺដល់មនុស្សនោះ  ។ ឧទាហរណ៍ៈ ឆ្កែខាំ  ។