១. ទ្រឹស្តីនៃការជំរុញទឹកចិត្តរបស់លោក Maslow៖ លោកបានបែងចែកតម្រូវការរបស់មនុស្សជា ៥យ៉ាងដោយគិតចាប់ពីតម្រូវការស្មុកស្មាញរហូតដល់តម្រូវការពេញលេញមានដូចជា៖
- តម្រូវការជីវសាស្ត្ររូមមាន អាហារ ទឹក ខ្យល់ដកដង្ហើម ជំរក សម្លៀកបំពាក់
- តម្រូវការសុវត្ថិភាព សន្តិសុខ ការរួចផុតពីការឈឺចាប់
- តម្រូវការសង្គមរួមមានមិត្តភាព កម្មសិទ្ធិ ទំនាក់ទំនងសង្គម
- តម្រូវការកិត្តយសរួមមាន ការគោរព ការតម្លើតឋានៈ ការទទួលស្គាល់ស្នាដៃ។
- តម្រូវការពេញលេញ មានសមត្ថភាពពេញលេញ ការអភិវឌ្ឍការលើងឋានៈ ការសម្រេចស្នាដៃ និងភាពលេធ្លោ។
២. ទ្រឹស្តីXនិងទ្រឹស្តីYមានដូចតទៅ៖
- ទ្រឹស្តីXមានន័យថានិយោជិតមិនចូលចិត្តការងារ និងមានបំណងគេចពីការងារ។ ចំពោះនិយោជិតបែបនេះអ្នកគ្រប់គ្រងត្រូវបង្កើនការត្រួតពិនិត្យ ឬគម្រោបគម្ហែងដាក់ទណ្ឌកម្ម ដើម្បីសម្រេចនូវគោលបំណង។
- ទ្រឹស្តីY មានន័យថាមនុស្សខំប្រឹងធ្វើការងារ ដោយស្វ័យទិសដៅ និងស្វ័យត្រួតពិនិត្យ ហើយមានការផ្តោតចិត្តចំពោះទិសដៅ មនុស្សបែបនេះមានការទទួលខុសត្រូវ មានសមត្ថភាពអាចសម្រេចចិត្តបានល្អ។
៣. ទ្រឹស្តីកត្តា២យ៉ាង៖
- លក្ខខណ្ឌខាងក្រៅ៖ មានន័យថា ប្រាក់ខែ សន្តិសុខការងារ ស្ថានភាពការងារ ឋានៈគោលនយោបាយ និតីវិធីក្រុមហ៊ុន គុណភាពនៃទំនាក់ទំនងអន្តរបុគ្គល ក្នុងចំណោមមិត្តរួមការងារជាមួយថ្នាក់ដឹកនាំ និងជាមួយអ្នកក្រោមបង្គាប់ ពោលគឺស្មើនឹងតម្រូវការលំដាបទាបរបស់ទ្រឹស្តីMaslow តែតម្រូវការជីវសាស្ត្រ តម្រូវការសុវត្ថិភាព តម្រូវការ និងតម្រូវការសង្គម។
- លក្ខខណ្ឌខាងក្នុង៖ មានន័យថាស្នាដៃ ការទទួលស្គាល់ ការទទួលខុសត្រូវ ភាពជឿនលឿន លិទ្ធភាពលូតលាស ពោលគឺស្មើនឹងតម្រូវការលំដាប់ខ្ពស់របស់លោកMaslow គឺតម្រូវការកិត្តិយស និងតម្រូវការពេញលេញ។
