តើប្រព័ន្ធផលិតស្រូវមានលក្ខណៈខុសគ្នាទៅតាមអ្វីខ្លះ ? ហើយគេចែកប្រព័ន្ធផលិតកម្មស្រូវជាប៉ុន្មានអ្វីខ្លះ ចូររៀបរាប់ ។

ខុសប្លែកគ្នាទៅតាមទីតាំងភូមិសាស្រ្ត របបទឹក រដូវដាំដុះ និងកម្រិតត្រួតពិនិត្យផ្សេងៗ ។

គេចែកប្រព័ន្ធផលិតកម្មស្រូវជា៣គឺ៖

ស្រូវវស្សា៖  ត្រូវបានគេដាំនៅទូទាំងប្រទេសចាប់ពីខែ ឧសភា ដល់តុលា ។ ហើយខេត្តដែលផ្តល់ស្រូវបានច្រើនជាងគេគឺព្រៃវែង តាកែវ បាត់ដំបង បន្ទាយមានជ័យ កំពង់ធំ កំពង់ចាម កំពង់ឆ្នាំង និងស្វាយរៀង ។ រីឯខេត្តដែលផលិតស្រូវមិនគ្រប់គ្រាន់និងតម្រូវការមាន៖ កោះកុង , ខេត្តព្រះសីហនុ , ប៉ៃលិន , និងកែប ។

ស្រូវប្រាំង៖ ធ្វើនៅតំបន់ក្បែរមាត់បឹង ទន្លេ ស្ទឹង ព្រែក ដោយវិធីស្ទូង និងបាចទឹកបញ្ចូល​នៅរដូវទឹកស្រក ។ ខេត្តដែលធ្វើស្រូវប្រាំងសំខាន់ៗមានៈ ខេត្តព្រៃវែង តាកែវ កណ្តាល កំពង់ចាម និងកំពង់ឆ្នាំង ។

ស្រូវ ឡើងទឹក៖    ជាប្រភេទស្រូវធ្ងន់ដែលមានរយៈពេលដាំដុះពី ៨ ទៅ៩ ទើបអាចប្រមូលផលបាន ។ ស្រូវឡើងទឹកអាចធន់និងកម្ពស់ទឹក ពី២ m ទៅ ៥ m ។ តំបន់ស្រូវឡើងទឹកសំខាន់ៗស្ថិតនៅជំវិញបឹងទន្លេសាប និងកំហូងនានាតាមបណ្តោយទន្លេមេគង្ក ក្នុងខេត្តកំពង់ចាម ព្រៃវែង និងតាកែវ ។