រដ្ឋបាលកណ្ដាលមានពីរលំដាប់ ៖

ថ្នាក់រដ្ឋាភិបាល ៖ មានទីស្ដីការគណៈរដ្ឋមន្រ្តីដែលជាទីតាំងការិយាល័យរដ្ឋបាលរបស់រដ្ឋ ដែលមាននាយករដ្ឋមន្រ្តីជាអ្នកដឹកនាំការងាររបស់ទីស្ដីការគណៈរដ្ឋមន្រ្តី។ រដ្ឋមន្រ្តីជាអ្នកដឹកនាំការងាររបស់ទីស្ដីការគណៈរដ្ឋមន្រ្តី។ រដ្ឋមន្រ្តីទទួលបន្ទុក
ទីស្ដីការគណៈរដ្ឋមន្រ្តី មានអំណាចធ្វើសេចក្ដីសម្រេចក្នុងគ្រប់វិស័យទាំងអស់របស់ក្រសួង និងក្នុងសកម្មភាពវិនិយោគទុន ពាណិជ្ជកម្ម ធានាគារ ការធាររ៉ាប់រង និងផ្នែកសេដ្ឋកិច្ច។

ថ្នាក់ក្រសួង និងរដ្ឋលេខាធិការដ្ឋាន ៖ មានរដ្ឋមន្រ្តី ឬរដ្ឋលេខាធិការជាប្រធានស្ថាប័ន ជាអ្នកគ្រប់គ្រងមន្រ្តីភ្នាក់ងាររាជការដែលនៅក្រោមឳវាទ។
ក្រសួងនីមួយៗចែកជា ៖

1. ខុទ្ទកាល័យ៖ ជាលេខាធិការដ្ឋានផ្ទាល់ ឬជាសេនាធិការផ្ទាល់របស់រដ្ឋមន្រ្តី ឬរដ្ឋលេខាធិការ។
2. ផ្នែករដ្ឋបាល៖ ចែកចេញជានាយកដ្ឋាន ឬការិយាល័យ។ ក្រុមនេះ ជាអ្នកបច្ចេកទេស ឬឯកទេសសម្រាប់រៀបចំផែនការ គម្រោងការរបស់ក្រសួង និងជាសសរទ្រូងរបស់ក្រសួង ឬរដ្ឋលេខាធិការដ្ឋាន។
3. ក្រុមអធិការកិច្ច៖ មាននាទីជាអ្នកតាមដានត្រួតពិនិត្យលើការងារបច្ចេកទេស ការងារថវិការបស់មន្រ្តីទាំងអស់នៅក្នុងក្រសួង។
4. ផ្នែកទីប្រឹក្សា៖ ជាអ្នកផ្ដល់យោបល់លើគម្រោងការផ្សេងៗ មុននឹងប្រធានស្ថាប័នធ្វើសេចក្ដីសម្រេចចិត្ត។