ចូរបង្ហាញទំនាក់ទំនងវិភាគ និងសំយោគ។

មុននឹងឈានទៅដល់ការបង្ហាញទំនាក់ទំនងវិភាគ​ និងសំយោគ យើងគួរស្វែងយល់អំំពីអត្ថន័យរបស់វិភាគ និងសំយោគជាមុនសិន។

ក. វិភាគ គឺជាការបំបែកអង្គធាតុមួយឱ្យទៅជាធាតុផ្សំផ្សេងៗ ឬជាការបំបែកអ្វីមួយដែលសាំញ៉ាំឱ្យទៅជាងាយ។ ឧទាហរណ៍ គេយកទឹកមកវិភាគ គេបានអុកស៊ីសែន និងអ៊ីដ្រូសែន (H₂=  H₂+O)។

ខ. សំយោគ ជាការផ្សំ ឬរៀបចំវត្ថុមួយដោយយកធាតុផ្សេងគ្នាមកផ្គុំបង្កបង្កើតឱ្យទៅជាវត្ថុមួយ ឬជាអ្វីមួយឱ្យមានរូបរាងឡើង។  គេយកអុកស៊ីសែន និងអ៊ីដ្រូសែនមកធ្វើសំយោគឱ្យបានទឹក (H₂+O = H₂O)។

គ. ទំនាក់ទំនងវិភាគ និងសំយោគជាសកម្មភាពរបស់ចិត្តដែលតែងតែត្រូវការគ្នាទៅវិញទៅមកដោយហេតុថា៖

• វិភាគមិនអាចប្រព្រឹត្តទៅដោយគ្មានសំយោគបានទេ ឯសំយោគវិញក៏មិនអាចប្រព្រឹត្តទៅដោយគ្មានសំយោគបានដែរ
• គេមិនអាចធ្វើសំយោគដោយមិនស្គាល់ធាតុបង្កបានឡើយ គឺត្រូវរកធាតុបង្កជាមុនសិន
• វិភាគនិងសំយោគមិនអាចធ្វើក្នុងពេលតែមួយបានទេ។
• តាមទស្សនៈរបស់លោក រីណង់ ពោលថាគ្រប់ពុទ្ធិទាំងអស់របស់មនុស្ស ជាវិភាគដែលនៅកណ្ដាលសំយោគពីរគឺសំយោគ - វិភាគ - សំយោគ។ ដោយហេតុថា ៖
  • នៅចំពោះមុខតថៈ គំហើញវត្ថុទាំងឡាយរបស់យើងមានលក្ខណៈទាំងដុល ទាំងមូល
  • បន្ទាប់មក គេវិភាគលម្អិតទៅលើលក្ខណៈរបស់វា
  • ជាចុងក្រោយ គេធ្វើសំយោគវាយតម្លៃទៅលើវត្ថុទាំងនោះវិញ។