ត្រៀមប្រឡងឆមាសទី១ ទី២ និងថ្នាក់ជាតិ សីលធម៌ ពលរដ្ឋ (វិញ្ញាសាទី១០)

ត្រៀមប្រឡងឆមាសទី១ ទី២ និងថ្នាក់ជាតិ

I.ចូរផ្គូរផ្គង A និង B ឱ្យបានត្រឹមត្រូវ

A                                                          B

ក.ឧត្តមក្រុមប្រឹក្សានៃអង្គចៅក្រម          ១.អណត្តិ៩ឆ្នាំ

ខ.ព្រឹទ្ធសភា                                          ២.អណត្តិ៦ឆ្នាំ

គ.ក្រុមប្រឹក្សាធម្មនុញ្ញ                            ៣.អណត្តិ៥ឆ្នាំ

ឃ​​​.វិស័យរដ្ឋបាល                                  ៤.ក្រសួងមហាផ្ទៃ

ង.វិស៧យសេដ្ឋកិច្ច                               ៥.ក្រសួងទេសចរណ៍

ច.វិស័យសង្គមកិច្ច                                 ៦.ក្រសួងសង្គមកិច្ច

ក----> ៣
ខ----> ២
គ----> ១
ឃ----> ៤
ង----> ៥
ច----> ៦

II.ចូរបំពេញល្បះខាងក្រោមឱ្យបានត្រឹមត្រូវ

១.មុខងារសំខាន់របស់ធនាគារពិភពលោកគឺ ...ផ្តល់ឥណទាន... ដល់គម្រោងសំខាន់ៗដើម្បីបង្កើនការអភិវឌ្ឃសេដ្ឋកិច្ចជាតិ។

២.ពុទ្ធិទាំងឡាយរបស់យើងចាប់ផ្តើមមានឡើងដោយសារ ...ឥន្ទ្រីយារម្មណ៍...។

៣.ខ្ញុំចាំមេរៀនដោយការទន្ទេញ។ នេះជាសំយោគ ...ពិត....។

៤.កត្តាដែលនាំឱ្យមានការបង្កើតថ្មីដែលជានិស្ស័យពីកំណើតហៅថា ...កត្តាភាគនៃទេពកោសល្យ...។

៥.ព្រះពុទ្ធសាសនាបានកើតឡើងនៅពេលដែលព្រះសមណគោត្តម ព្រះអង្គទ្រង់ ...ចូលបរិនិព្វាន...។

III.តើភាពក្រីក្រមានប៉ុន្មានបែប? អ្វីខ្លះ?​ ចូរពន្យល់។

ភាពក្រីក្រមាន២បែប (លោកហង់រី ម៉ាហ៊ុយ) គឺៈ

• ភាពក្រីក្រធៀបៈ គឺជាសភាពមួយដែលប្រាក់ចំណូលរបស់ប្រជាជនធ្លាក់មកក្រោមកម្រិតមធ្យមនៃប្រាក់ចំណូលរបស់ប្រជាជននៅក្នុងប្រទេសនីមួយៗ។
• ភាពក្រីក្រដាច់ខាតៈ គឺជាសភាពមួយដែលប្រជាជនមិនមានអាហារគ្រប់គ្រាន់សម្រាប់ទ្រទ្រង់ជីវិត។

IV.តើហេតុអ្វីបានជាកើតមានសិទ្ធិមនុស្សនេះឡើង?

បុព្វហេតុចម្បងដែលនាំឱ្យមានការបង្កើតសិទ្ធិមនុស្សគឺ៖

• ភាពមហន្តរាយដ៏គួរឱ្យតក់ស្លុតដែលបង្កឡើងដោយសង្គ្រាមលោកលោកទី២ មកលើមនុស្សទំហំធំធេង។
• ភាពខ្លោចផ្សារហួសប្រមាណដែលកើតឡើងពីមហន្តរាយនេះបានជំរុញទឹកចិត្តអ្នកប្រាជ្ញដែលមានទឹកចិត្តស្រលាញ់មនុស្សជាតិ និងសន្តិភាពធ្វើការតស៊ូយ៉ាងស្វិតស្វាញក្នុងការតាក់តែងនូវឯកសារសិទ្ធិមនុស្សនេះឡើងសំដៅទប់ស្កាត់សង្គ្រាមលោកនាពេលអនាគត។

V.តើបុព្វហេតុខ្មែរយើងសាងប្រាសាទឡើងដើម្បីអ្វី?

បុព្វហេតុខ្មែរយើងសាងប្រាសាទឡើងដើម្បី

• បុព្វហេតុសាសនាៈ សម្រាប់ឧទ្ទិសថ្វាយអាទិទេពផ្សេងៗដូចជា ព្រះឥសូវ ព្រះនរាយណ៍ ដោយមានតម្កល់លិង្គព្រះឥសូរ (លទ្ធិទេវរាជ)។ ឧទ្ទិសថ្វាយព្រះពោធិ៍សត្វក្នុងពុទ្ធសាសនាដូចជាលោកេស្វរៈ (ក្នុងលទ្ធិពុទ្ធរាជ)។
• បុព្វហេតុរំឭកគុណៈ ឧទ្ទិសថ្វាយបុព្វបុរសព្រះរាជាដូចជាព្រះមាតា ព្រះបិតា និងវរជនស្នេហាជាតិ
• បុព្វហេតុសង្គ្រាមៈ ជាកំពែងរឹងមាំសម្រាប់ការពារសត្រូវ
• បុព្វហេតុប្រវត្តិសាស្ត្រៈ ដើម្បីជាកិត្តិយសចារទុកជាប្រវត្តិសាស្ត្រ
• សម្រាប់ព្រះរាជាគង់នៅ ឬជាបណ្ណាល័យសម្រាប់រក្សាទុកឯកសារ និងរបស់សំខាន់ៗសម្រាប់រៀបចំពិធិ និងម៉្យាងទៀតក៏ជាទំនៀមទម្លាប់របស់មហាក្សត្រជំនាន់នោះក្នុងការបន្តស្នាដៃផង។