ចូរពន្យល់ពីការទទួលបានសញ្ជាតិខ្មែរពីកំណើត និងអាពាហ៍ពិពាហ៍។

ក. ការទទួលបានសញ្ជាតិខ្មែរពីកំណើត

+ ត្រូវទទួលបានសញ្ជាតិខ្មែរ ដោយកើតនៅក្នុងព្រះរាជាណាចក្រកម្ពុជា

• កូនដែលកើតពីឪពុកម្ដាយបរទេស ដែលកើតនិងរស់នៅស្របច្បាប់ក្នុងព្រះរាជាណាចក្រកម្ពុជា។
• កូនដែលកើតពីឪពុកម្ដាយដែលមិនស្គាល់ និងកូនដែលទើបនឹងកើតដែលគេរើសបាននៅក្នុងព្រះរាជាចក្រកម្ពុជា ត្រូវចាត់ទុកថាកើតនៅព្រះរាជណាចក្រកម្ពុជាដែរ។

+ ត្រូវទទួលបានសញ្ជាតិខ្មែរទោះបីកើតនៅទីណាក៏ដោយ

• កូនមានខាន់ស្លា ដែលកើតពីឪពុកឬម្ដាយដែលមានសញ្ជាតិខ្មែរ។
• កូនឥតខាន់ស្លាដែលកើតមកពីឪពុក ឬម្ដាយមានសញ្ជាតិខ្មែរទទួលស្គាល់
• កូនដែលឪពុកម្ដាយមិនទទួលស្គាល់ កាលបើតុលាការបានចេញសាលក្រមថា កូននោះពិតជាបានកើតពីឪពុក​ឬម្ដាយដែលមានសញ្ជាតិខ្មែរ។

ខ. ការទទួលបានសញ្ជាតិដោយអាពាហ៍ពិពាហ៍

• ស្រ្តី ឬបុរសបរទេដែលយកប្ដី ឬប្រពន្ធខ្មែរដោយបានរៀបអាពាហ៍ពិពាហ៍ អាចទាមទារសញ្ជាតិខ្មែរបានលុះត្រាតែ ស្រ្តីឬបុរសនោះរស់នៅជាមួយគ្នារយៈពេលបីឆ្នាំ ក្រោយពេលចុះសំបុត្រអាពាហ៍ពិពាហ៍
• បែបបទ និងនីតិវិធីនៃការទាមទារសញ្ជាតិខ្មែរ និងការផ្ដល់សញ្ជាតិខ្មេរត្រូវសម្រេចតាមច្បាប់កំណត់។
• ប្រជាពលរដ្ឋខ្មែរមិនបាត់សញ្ជាតិដោយសារតែរៀបអាពាហ៍ពិពាហ៍ជាមួយបរទេសឡើយ។