តើបុព្វហេតុអ្វីខ្លះដែលបង្កើតឱ្យមានអនុសញ្ញាស្តីពីសិទ្ធិកុមារ ?

បុព្វហេតុដែលបង្កើតឱ្យមានអនុសញ្ញាស្តីពីសិទ្ធិកុមារគឺ ៖

• នៅក្នុងសង្គមពុំទាន់មានច្បាប់ ឬរចនាសម្ព័ន្ធសង្គមជាក់លាក់សម្រាប់ធានាដល់ សិទ្ធិរបស់កុមារនៅឡើយ ។
• ការអភិវឌ្ឍន៍របស់កុមារជាផ្នែកមួយសំខាន់បំផុត នៃអនាគតរបស់សង្គមជាតិ នីមួយៗ ។
• តម្រូវការចាំបាច់ជាច្រើនរបស់កុមារ ពុំទាន់មានចែងនៅក្នុងឧបសម្ព័ន្ធសិទ្ធិមនុស្ស ដែលមានស្រាប់នៅឡើយ ។
• ផលប្រយោជន៍របស់កុមារ មិនដូចគ្នាទៅនឹងផលប្រយោជន៍របស់អ្នក ដែលជាអាណាព្យាបាលលើឡើយ ។
• កុមារកុមារងាយរងគ្រោះជាងមនុស្សចាស់នៅក្រោមលក្ខខណ្ឌ នៃការរស់នៅរបស់ខ្លួន និងការរំលោភបំពានគ្រប់បែបយ៉ាង ។
• កុមារពុំមានសមត្ថភាពគ្រប់គ្រាន់ក្នុងការការពារខ្លួននៅចំពោះមុខច្បាប់ ។
• កុមារងាយនឹងទទួលផលប៉ះពាល់ជាង ក្រមអាយុផ្សេងៗទៀត ។
• កុមារគ្មានសិទ្ធិបោះឆ្នោត ឬឥទ្ធិពលនយោបាយកម្លាំងផ្នែកសេដ្ឋកិច្ចតិចតួចណាស់ ដែលជាញឹកញាប់សំឡេងរបស់ពួកគេពុំសូវត្រូវបានគេយកចិត្តទុកដាក់ស្តាប់ឡើយ ។
• នៅក្នុងសង្គមជាច្រើនតែងគិតថាកុមារគឺជាសម្បត្តិ ឬជាកម្មសិទ្ធិរបស់មាតាបិតា ។ សង្គមខ្លះយល់ថាកុមារអាចធ្វើការងារបានដូចមនុស្សធំដែរ ហើយខ្លះទៀតគិតថាកុមារមិន អាចចូលរួមជួយសង្គមបាននៅឡើយ ។
• សង្គមជាតិនីមួយៗ ត្រូវមានកាតព្វកិច្ចបំពេញរាល់សេចក្តីត្រូវការចាំបាច់របស់ កុមារទាំងបុគ្គលភាពនិងសុវត្ថិភាព ។