នៅក្នុងប្រទេសអនុវត្តន៍លទ្ធិប្រជាធិបតេយ្យ គេបានបែងចែកអំណាច៣ដាច់ដោយឡែកពីគ្នា តើអំណាចទាំងនោះគឺអ្វីខ្លះ ? ហើយមានទំនាក់ទំនងគ្នាដូចម្តេចខ្លះ ? ចូររៀបរាប់ ។

    នៅក្នុងប្រទេសអនុវត្តន៍លទ្ធិប្រជាធិបតេយ្យគេបែងចែកអំណាចជាបីដាច់ដោយឡែកពីគ្នាដូចជា ៖

          ១. នីតិបញ្ញាត្តិ (សភា ព្រឹទ្ធសភា) ៖ ស្នើច្បាប់ អនុម័ត

          ២. នីតិប្រតិបត្តិ (រដ្ឋាភិបាល) អនុវត្តន៍ច្បាប់ ក្រឹត្យ ការពាររដ្ឋធម្មនុញ្ញ

          ៣. តុលាការ (អង្គចៅក្រម) ជំនុំជំរះក្តី រកយុត្តិធម៌ជូនសង្គមអំណាចទាំ​ង៣ ត្រូវបានបែងចែកដាច់ពីគ្នា ដើម្បីចៀសវាងការរំលោភអំណចគ្នាដែលគេហៅថា “អំណាចផ្តាច់ការ” ។ ប៉ុន្តែស្ថាបនីទាំង៣នេះត្រូវត្រួតពិនិត្យគ្នាទៅវិញទៅមកដើម្បីកុំអោយអំណាចទាំងនេះ ណាមួយរំលោភទៅលើអំណាចណាមួយទៀតដូចជា ៖

• រដ្ឋសភា ព្រឹទ្ធសភា ពិនិត្យ និងអនុម័តសេចក្តីព្រាងច្បាប់របស់រដ្ឋាភិបាល
• នាយករដ្ឋមន្ត្រីលើកសំណើរដល់គណៈកម្មាធិការអចិន្ត្រៃយ៍រដ្ឋសភាអោយកោះប្រជុំរដ្ឋសភាជាវិសាមញ្ញានិងលើកសំណើរតែងតាំង ផ្លាស់ប្តូរបញ្ចប់ភារកិច្ចសមាជិករាជរដ្ឋាភិបាលជូន រដ្ឋសភាអនុម័ត
• តំណាងរាស្រ្តមានសិទ្ធិដាក់សំនួរដល់រាជរដ្ឋាភិបាល
• រដ្ឋសភាអាចសំរេចប្តឹងទៅតុលាការមានសមត្ថកិច្ច ក្នុងករណីសមាជិក១រូបៗនៃរាជរដ្ឋាភិបាលម្នាក់ធ្វើខុសជាទំរង់ក្នុងការបំពេញការងាររបស់ខ្លួន ។