តើដីចែកជាប៉ុន្មានស្រទាប់? អ្វីខ្លះ? ចូររៀបរាប់។

ដីចែកជា ៤ស្រទាប់គឺៈ

-ស្រទាប់ O : គឺស្រទាប់លើដែលជាស្រទាប់សម្បូរដោយសារធាតុសរីរាង្គ។ សំណល់រុក្ខជាតិរួមមានស្លឹកឬមែកឈើងាប់បន្សល់ទុកនៅក្នុងដីស្រទាប់ O ហើយរលួយបន្តិចម្តងៗ។

-ស្រទាប់ A : ស្ថិតនៅក្រោមស្រទាប់ O ដែលមានពណ៌ខ្មៅ និងសម្បូរដោយសារធាតុសរីរាង្គរលួយ។ ដីស្រទាប់ A អាចខ្សត់ជីជាតិ ព្រោះតែការលេចចេញនូវសារធាតុចិញ្ចឹមទៅស្រទាប់ដីជ្រៅខាងក្រោមទៀត។

-ស្រទាប់ B :  ស្ថិតនៅក្រោមដីស្រទាប់ A ដែលសម្បូទៅដោយសារធាតុចិញ្ចឹមដែលជ្រាបពីស្រទាប់លើៗ។ ស្រទាប់នេះច្រើនសម្បូរទៅដោយសមាសធាតុដែកនិងអាលុមីញ៉ូម។

-ស្រទាប់ C : ស្ថិតនៅក្រោមដីស្រទាប់ B ជាស្រទាប់ដែលផ្សំដោយកម្ទេចកម្ទីបានមកពីសំណឹកសិលាមេដោយភាគ។ ដីស្រទាប់ C​ ស្ថិតនៅជ្រៅបណ្តាលអោយឫសរុក្ខជាតិភាគច្រើនមិនអាចចាក់ចូលដល់ ហើយដីស្រទាប់នេះច្រើនតែឆ្អែតទឹក។