តើពាក្យសុវណ្ណភូមិកើតនៅឆ្នាំណា? កន្លែងណា?

ពាក្យសុវណ្ណភូមិបានកើតនៅក្នុងស.វទី៣មុនគ.ស ក្នុងរាជ្យព្រះបាទអសោកមហារាជ្យ នៃប្រទេសឥណ្ឌា។ បន្ទាប់ពីមហាសង្គាយនាលើកទី៣ ព្រះបាទអសោកមហារាជ្យបានបញ្ជូនសាសនទូត២អង្គគឺ ព្រះឧត្តរត្ថេរ និងព្រះសោណកត្ថេរ មកផ្សព្វផ្សាយព្រះពុទ្ធសាសនានៅដែនដីសុវណ្ណ   ភូមិ។

            សុវណ្ណភូមិនេះ គេមិនដឹងថានឹងត្រូវតំបន់ណាឲ្យប្រាកដនោះទេ តែគេដឹងថាត្រូវនឹងតំបន់អាស៊ីអាគ្នេយ៍។ ដូចនេះហើយ បានជាប្រទេសភូមាថានៅភូមា ប្រទេសថៃថានៅថៃ ប្រទេសកម្ពុជាថានៅកម្ពុជា ម៉ាឡេស៊ីថានៅតំបន់នគរស្រីធម្មរាជ។ នេះដោយសារប្រទេសទាំងអស់នេះ កាន់ព្រះពុទ្ធសាសនាដូចគ្នា ហើយអះអាងផ្សេងៗគ្នាដោយយកភស្តុតាងរៀងៗខ្លួនសម្គាល់។