តើអាពាហ៍ពិពាហ៍ មានន័យដូចម្តេច ? ហេតុដូចម្តេចបានជាប្រជាជនយើងនិយមធ្វើនំអន្សម នំគម នៅក្នុងពិធីមង្គលការ ? ក្នុងពិធីមង្គលការ តើពិធីអ្វីខ្លះ ដែលទាក់ទងនឹងរឿងព្រេង ?

អាពាហ៍ពិពាហ៍ ជាពិធីមួយ ចាត់ទុកផ្នែកទំនៀមទំលាប់ប្រពៃណីខ្មែរយើង ។ ពាក្យ “អាពាហ៍ពិពាហ៍” នេះមានន័យថា ៖

• អាពាហ៍ ៖ ការនាំកូនស្រីមកកាន់ផ្ទះកូនប្រុស
• ពិពាហ៍ ៖ ការនាំកូនប្រុសមកកាន់ផ្ទះខាងកូនស្រី ។ ដូចនេះពាក្យនេះមានន័យថា ៖ ការរៀបចំផ្សំកូន​ប្រុស និងកូនស្រីអោយបានជាគូសា្វមីភរិយា ។
• បានជាប្រជាជនយើងនិយមធ្វើនំអន្សម នំគម ក្នុងពិធីមង្គលការ ព្រោះមានជំនឿថា ៖ នំអន្សមតំនាងលិង្គព្រះឥសូរ នំគមតំនាងយោនីយាងឧមា និងជាតំនាងនូវសេចក្តីសុខ សុភមង្គល ។ ម៉្យាងទៀត នំអន្សម នំគម ក្នុងពិធីមង្គលការគេហាមិនអោយយកទៅឆ្អើរអាំងទេ ព្រោះបើធ្វើបែបនេះនាំអោយគូស្វាមីភរិយាថ្មី គ្មានកូន និងសុភមង្គល ។
• ក្នុងពិធីមង្គលការ ពិធីដែលទាក់ទងនឹងរឿង អាមាត្យម្នាក់ដែលដណ្តើមកូនក្រមុំ រួចសំលាប់កូនកំលោះ ។
• ការដោតផ្កាស្លាបី ទាក់ទងនឹងរឿងបរុសបួននាក់រៀនសិល្ប៍សាស្រ្តបួនបែប (ទាយ បាញ់ធ្នូ មុជទឹក ចេះប្រស់) ។
• ការបង្វិលពពិល ទាក់ទងនឹងរឿងព្រះឥសូរ និងព្រះជ័យសុរិយារាជកុមារ ។
• ការស្រែកជ័យហោង សួស្តិ៍ហោង ទាក់ទងនឹងរឿង សួស្តិ៍ មាណពកំសត់ ។