បទពិសោធន៍ជីវិតជាច្រើនយ៉ាង ដែលអ្នកបានរៀនពីស្នេហាចាស់

By: Narith82
Date: 2020-03-05 09:26
Category: Life

1004 0 0

ស្នេហាចាស់ក៏ជាបទពិសោធន៍មួយសម្រាប់អ្នកដែរ ពេលខ្លះក៏គួរតែអរគុណសង្សារចាស់យើងដែរ ព្រោះក្រោយពេលដែលគេដើរចេញពីយើង កឺយើងបានរៀន និង យល់នូវរឿងជាច្រើនណាស់ ហើយទាំងនេះក៏ជាមេរៀនដែលយើងទទួលបានដែរ ៖

១. គ្មានអ្នកណាកើតមកល្អគ្រប់យ៉ាងនោះទេ

ទាំងគេ ទាំងខ្ញុំគឺគ្មាននរណាម្នាក់ល្អទាំងអស់នោះទេ ដូច្នេះយើងក៏មិនអាចផ្គាប់ចិត្ត និងធ្វើអ្វីត្រូវចិត្តគេគ្រប់រឿងនោះដែរ តែវាគ្មានបញ្ហានោះទេ ព្រោះមនុស្សយើងមិនមែនកើតមកសម្រាប់អ្នកណាឡើយ។

២. បើយើងមិនទាន់ត្រៀមខ្លួនសម្រាប់ស្នេហាទេ កុំទទួលយកវា

បើអ្នកមិនទាន់ត្រៀមខ្លួន និង តាំងចិត្តសម្រាប់ស្នេហានោះទេ អ្នកមិនគួរដើរចូលវាដោយសារអ្នកមានអារម្មណ៍ឯកាឡើយ ព្រោះមិនយូរនោះទេអ្នកនឹងឈឺចាប់ដោយសារវា។

៣. ពេលខ្លះវាគ្រាន់តែជាការសម្ដែង និង លេងសើចប៉ុណ្ណោះ

ស្នេហាខ្លះកើតឡើងគ្រាន់តែសម្ដែងឲ្យល្អមើលតែប៉ុណ្ណោះ ហើយពេលខ្លះវាកើតឡើងដោយសារការចង់លេងសើច ការសប្បាយរបស់គេដោយមិនបានស្រឡាញ់យើងនោះទេ។

៤. គ្មានអ្នកណាធ្វើឲ្យយើងឈឺចាប់ជាងខ្លួនឯងនោះទេ

ត្រូវហើយគេដើរចូលមកក្នុងជីវិតហើយបានធ្វើឲ្យយើងឈឺចាប់ ប៉ុន្តែអ្នកដែលធ្វើឲ្យយើងឈឺចាប់កាន់តែខ្លាំងនោះគឺយើងខ្លួនឯង ព្រោះពេលខ្លះអ្នកដឹងថាឈឺចាប់ហើយតែអ្នកនៅតែដើរទៅ ហើយពេលខ្លះទៀតមិនព្រមលែងដៃពីគេ សុខចិត្តធ្វើបាបចិត្តខ្លួនឯង។

៥. ទោះពិបាកយ៉ាងណាក៏យើងអាចឆ្លងកាត់បាន

តែយ៉ាងហោចណាស់ក៏យើងនៅតែអាចឆ្លងកាត់ភាពឈឺចាប់នោះបាន ទោះបីពេលខ្លះយើងដុនដាបខ្លាំងក៏ដោយ ហើយអ្វីដែលសំខាន់យើងចេះទទួលស្គាល់ការពិត។

ការពិតស្នេហាក៏ជាមេរៀនជីវិតមួយដែលយើងត្រូវទទួលយក និង រៀនពីវាដែរ ព្រោះគ្រប់គ្នាសុទ្ធតែមានចិត្តស្រឡាញ់៕

Reference:

http://kanha.sabay.com.kh/index.php/article/1096622

Comments: