វិញ្ញាសាប្រវត្តិ ត្រៀមប្រលងសញ្ញាបត្រមធ្យមសិក្សាទុតិយភូមិ (វិញ្ញាសាទី១៣)

សំនួរ

១. ចូររៀបរាប់ពីសកម្មភាពនៃក្រុមបញ្ញវន្តរូស៊ី ក្នុងការផ្សព្វផ្សយគំនិតបដិវត្ត ។

២. ចូរនិយាយអំពីប្រតិកម្មនៃក្រុមអភិជនអភិរក្សនិយម ចំពោះកំណែទម្រង់ទូទៅ ។

៣. ចូររាប់ប្រទេសមហាអំណាចអាណានិគមនិយមឱ្យបានប្រាំយ៉ាងតិច ។

៤.តើអ្នកបានដឹងពីសង្រ្គាមណាខ្លះដែលប្រទេសមហាអំណាចច្បាំងដណ្តើមទឹកដីអាណានិគមនិយម ?

៥. តើការលេចឡើងប្លុកយោធា អ៊ីតាលី អាឡឺម៉ង់ អូទ្រីស ហុងគ្រី និងបារាំង អង់គ្លេស រូស៊ី បានប្រព្រឹត្តទៅយ៉ាងណា ?

ចម្លើយ

១. សកម្មភាពនៃក្រុមបញ្ញវន្តរូស៊ីក្នុងការផ្សព្វផ្សាយគំនិតបដិវត្ត គឺគំនិតបដិវត្តត្រូវគេយកទៅសាបព្រោះតាមភូមិ តាមរោងជាងតាមការដ្ឋាននានា តាមរយៈនិស្សិតក្លែងបន្លំជាកសិករ ឬជាកម្មករ ។ ក្រោយកម សកម្មភាពនៃក្រុមបដិវត្តន៍ត្រូវនគរបាលឃើញ និងបានធ្វើការបង្រ្កាបចលនានេះយ៉ាងឃោរឃៅដោយចាប់ដាក់គុកធ្វើទារុណកម្ម និងបាញ់សម្លាប់ជាដើម ។ ចាប់ពីពេលនោះមក ក្រុមអ្នកបដិវត្តន៌ក៏សម្រេចចិត្តប្រើមធ្យោបាយ ហិង្សាតបតវិញ គឺការលបលួចធ្វើឃាតមន្ត្រីកាន់អំណាចរដ្ឋនិងប៉ុនប៉ងធ្វើគុតព្រះចៅអធិរាជទៀតផង ។

២. ប្រតិកម្មនៃក្រុមអភិជនអភិរក្សនិយម ចំពោះកំណែទម្រង់នយោបាយទូទៅបានធ្វើឱ្យក្រុមអភិជនប្រតិកិរិយាពុំសប្បាយចិត្តហើយរិះរកមធ្យោបាយបំផ្លាញកិច្ចសន្យានេះចោលទៀតផង ។ ដើម្បីបម្រើគោលគំនិតនេះ នាយកនគរបាលសម្ងាត់ម្នាក់ក៏បានបន្លំចូលទៅគ្រប់គ្រងរោងចក្រ ហើយឃោសនាទាក់ទាញកម្មករឱ្យនាំគ្នាធ្វើបាតុកម្មសំដែងទឹកចិត្តត្រេកអរចំពោះព្រះចៅអធិរាជដើម្បីជាលេសចោទ មហាជនពីបទបង្កចលាចលខាងមុន “វាំងសិសិររដូវ” ក្នុងក្រុងសាំង ពែទែរប៊ូកក្រោមការមូលបង្កាច់នៃពួកអភិរក្សនិយម ព្រះចៅនីកូឡៃទី២ ដែលនឹកស្មានថាជាបាតុកម្មប្រឆាំងនឹងព្រះអង្គនោះ ក៏បានបញ្ជាទាហានឱ្យបាច់ប្រហារបាតុករបំបែកហ្វូងមនុស្សឱ្យរត់ខ្ចត់ខ្ចាយ ។

៣. ប្រទេសមហាអំណាចអាណានិគមនិយមមាន អង់គ្លេស បារាំង សហរដ្ឋអាមេរិក រូស៊ី អាឡឺម៉ង់ ។

៤. សង្រ្គាមដែលប្រទេសមហាអំណាចច្បាំងដណ្តើមទឹកដីអាណានិគមនិយម មាន៖

• សង្គ្រាមអាមេរិក-អេស្បាញ
• សង្គ្រាមរវាងចក្រភពអង់គ្លេសនិងសាធារណរដ្ឋប៊ួរ
• សង្គ្រាមរូស៊ី-ជប៉ុន ។

៥.ការលេចឡើងប្លុកយោធា អ៊ីតាលី អាឡឺម៉ង់ អូទ្រីស ហុងគ្រី និងបារាំង អង់គ្លេស រូស៊ី គឺ

• ប្លុកយោធា អ៊ីតាលី អាឡឺម៉ង់ អូទ្រីស ហុងគ្រី គឺជាដើមសតវត្សទី២០ នៅទ្វីបអឺរ៉ុបបានកើតឡើងនូវសម្ព័ន្ធភាពយោធាពីរដ៏សំខាន់ គឺទីមួយ សម្ព័ន្ធភាពត្រីភាគី ដែលបានកើតឡើងបន្ទាប់ពីសង្រ្គាមបារាំង ព្រុស ។ លោកអធិការបតី ប៊ីស្មាក់មានការព្រួយបារម្ភចំពោះស្ថានភាពអាឡឺម៉ង់នៅកណ្តាលអឺរ៉ុប ។ ដើម្បីការពារដល់សន្តិសុខ អាឡឺម៉ង់បានស្វែងរកសម្ព័ន្ធមិត្តក្នុងបំណងបង្កើតសម្ព័ន្ធភាពយោធា ។ អ្នកដែលមានស្ថានភាពឆ្លើយតបទៅនឹងសេចក្តីត្រូវការរបស់ប្រទេសអាឡឺម៉ង់ គឺប្រទេសអំណាចនៅជិតខាងមានអាណាចក្រអូទ្រីស ហុងគ្រី និងអ៊ីតាលី ដែលកំពុងមានទំនាស់យ៉ាងស្រួចស្រាវនឹងប្រទទេសបារាំង ។ ដូច្នេះ គេបានចាប់ផ្តើមបបង្កើតសម្ព័ន្ធភាពត្រីភាគី អាឡឺម៉ង់ អ៊ីតាលី អូទ្រីស ហុងគ្រី ។
• បារាំង អង់គ្លេស រូស៊ី គឺដោយមានការគំរាមកំហែងពីសំណាក់អាឡឺម៉ង់កាន់តែខ្លាំងឡើងៗ ទីបំផុតអង់គ្លេសបានទទួលស្គាល់ថាគេត្រូវការសម្ព័ន្ធភាពរូស៊ី បារាំង អង់គ្លេស ។ ដើម្បីសម្រេចបាននូវកិច្ចព្រមព្រៀងត្រីភាគីបែបនេះ ជាដំបូងគេបានដោះស្រាយទំនាស់រវាងរូស៊ី អង់គ្លេស ជាបឋមនៅអាស៊ីកណ្តាលនិងនៅតំបន់មជ្ឈិមបូព៌ា ។ ជាលទ្ធផលនៃកិច្ចព្រមព្រៀងថ្ងៃទី ៣១ ខែសីហា ១៩០៧ ត្រូវបានចុះហត្ថលេខាលើកតិសញ្ញាអង់គ្លេសរូស៊ី ស្តីពីតំបន់ក្រោមឥទ្ធិពលរបស់ខ្លួនទៅប្រទេសអ៊ីរ៉ង់ ប្រទេសអាប់កានីស្ថាន និងតំបន់ទីបេ កិច្ចព្រមព្រៀងអង់គ្លេស រូស៊ីឆ្នាំ ១៩០៧ បានបញ្ចប់គម្រោងបង្កើតសម្ព័ន្ធភាពត្រីភាគី ដែលក្នុងនោះមានអង់គ្លេស បារាំង រូស៊ី ។