វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា (វិញ្ញាសាទី១)

សំនួរ​

១. តើស្ថានីយអវកាសអន្តរជាតិ ​និងលំហអាច​ផ្តល់សារៈប្រយោជន៍ដល់មនុស្សជាតិ និងភពផែនដីអ្វីខ្លះ ?

២. តើភពក្នុង​និងភពក្រៅនៃប្រ​ព័ន្ធព្រះអាទិត្យ​មានលក្ខណៈពិសេសយ៉ាងណាខ្លះ ?

៣. ហេតុអ្វីបានជាសហព័ន្ធតារាសាស្រ្តអន្តរជាតិយល់ព្រមបន្ថយចំនួនភពនៅក្នុងប្រព័ន្ធព្រះអាទិត្យមកនៅត្រឹមប្រាំបីវិញ ?

៤. តើស្រទាប់អូសូនមានសារៈសំខាន់សម្រាប់ផែនដីយ៉ាងណាខ្លះ ?

៥. ប្រសិនបើស្រទាប់អូសូនត្រូវ​បានធ្លុះធ្លាយ តើនឹងមានអ្វីកើតឡើងចំពោះជីវីតនៅលើផែនដី ?

ចម្លើយ

១. ស្ថានីយអវកាសអន្តរជាតិ ​និងលំហអាច​ផ្តល់សារៈប្រយោជន៍ដល់មនុស្សជាតិ និងភពផែនដី​ដូចជា ៖​

• ជាកន្លែងស្រា​វជ្រាវវិទ្យាសាស្រ្តអវកាស
• ជាកន្លែងពិសោធន៍វិទ្យាសាស្រ្តងវកាស
• ជាកន្លែងបង្កើត​បច្ចេកទេសថ្មីៗ
• ជំរុញកិច្ចសហប្រតិបត្តិការរវាងប្រទេសនានា
• ត្រួសត្រាយផ្លូវអាកាសសម្រាប់យានិកទាំងឡាយ
• អាចការពារផែនដីពីការប៉ះទង្គិចពីអង្គផ្សេងៗទៀត
• អាចផ្តល់រ៉ែអ៊ីដ្រូសែន ​។

២. ភពក្នុង​និងភពក្រៅនៃប្រ​ព័ន្ធព្រះអាទិត្យ​មានលក្ខណៈពិសេសដូចជា ៖

លក្ខណៈពិសេសនៃភពក្នុង

• ជាភពសិលា
• ជាភពក្តៅ
• មានទំហំតូច
• មានទំនាញខ្សោយ ។

លក្ខណៈពិសេសនៃភពក្រៅ

• ជាភពឧស្ម័ន
• ជាភពត្រជាក់
• មានទំហំធំ
• មានទំនាញខ្លាំង ។

៣, បានជាសហព័ន្ធតារាសាស្រ្តអន្តរជាតិយល់ព្រមបន្ថយចំនួនភពនៅក្នុងប្រព័ន្ធព្រះអាទិត្យមកនៅត្រឹមប្រាំបីវិញព្រោះ ៖​

• ភពត្រូវតែ​ធ្វើដំណើរតាមគន្លងជុំវិញព្រះអាទិត្យ
• ​ត្រូវ​មានម៉ាសគ្រប់គ្រាន់សម្រាប់ ទំនាញរបស់វាដើម្បីរ​ក្សារាងឲ្យមូលនិង ​​មានទំហំធំល្មមក្នុងការគ្រប់គ្រងគន្លងរបស់វា ។

៤. ស្រទាប់អូសូនមានសារៈសំខាន់សម្រាប់ផែនដី គឺជាខែលការពារកាំរស្មីស្វាយអ៊ុលត្រាមិនឲ្យចាំងមកដល់ផែនដីទាំងស្រុង ​។

៥.ប្រសិនបើស្រទាប់អូសូនត្រូវបានធ្លុះធ្លាយ និងមានផលប៉ះពាល់ចំពោះជីវីតនៅលើផែនដីដូចជា ៖ 

• កំណើនកម្តៅនៅលើផែនដី
• ប​ម្រែបម្រួ​លងាកាសធាតុ
• កំណើននីវ៉ូទឹកសមុទ្រ
• ប់ះពាល់ដល់សុខភាពមនុស្ស
• ប៉ះពាល់ដល់ជីវៈចម្រុះ  ។