វិញ្ញាសា វប្បធម៌ទូទៅ អរិយាធម៌ខ្មែរគ្រប់ភូមិសិក្សា ( វិញ្ញាសាទី២៣ )

សំណួរ​

១. ដូចម្ដេចដែលហៅថាបេតិកភ័ណ្ឌ​វប្បធម៌អរូបី ?

២. ហេតុអ្វីបានជាគេនិយាយថាសម័យអង្គរជាសម័យរុងរឿង ?

៣. ហេតុអ្វីបានខ្មែរតាំងរាជធានីនៅទីក្រុងអង្គរ ?

៤. តើការដាក់ចូលប្រាសាទព្រះវិហារបេតិកភ័ណ្ឌពិភពលោកកម្ពុជាបានទទួលប្រយោជន៍អ្វីខ្លះ ?

៥. ចូរបង្ហាញទីតាំងភូមិសាស្រ្ដនៃប្រាសាទព្រះវិហារ ។

ចម្លើយ

១. បេតិកភ័ណ្ឌវប្បធម៌អរូបី គឺជាសម្បត្តិវប្បធម៌ជាតិដែលមិនអាចមើលឃើញអាច កាន់ប៉ះ ឬ ស្នាបបាន ។ បេតិកភ័ណ្ឌអរូបីមានដូចជា ចំណេះដឹង ជំនឿ ព្រលឹង វិញ្ញាណ ទំនៀមទម្លាប់ ប្រពៃណី របាំ ល្ខោន ជាដើម ។ ឧទាហរណ៍ របាំអប្សរា​ ចុះក្នុងបញ្ជីបេតិកភ័ណ្ឌអរូបីថ្ងៃទី ៧ វិចិ្ឆកា ២០០៣ ។

២. បានជាគេនិយាយថាសម័យរុងរឿងពីព្រោះ ៖

• សំណល់ប្រាង្គប្រាសាទ ឧទាហរណ៍ ប្រាសាទអង្គរវត្ត ប្រាសាទបាយ័ន
• ប្រព័ន្ធធារាស្រ្ដ ( មានទីតាំងសម័យអង្គរ ) ហើយបន្សល់ដល់សព្វថ្ងៃ ឧទាហរណ៍ បារាយណ៍សោធរតដាក រដ្ជកាលយសោវរ័្មន
• សិលាចារឹក និងកំណាព្យ ប្រកបដោយសំរសទឹកដៃខ្ពស់
• រូបបមា បំពាក់ដោយគ្រឿងអលង្ការ លោហកម្ម បដិមាព្រះវិស្ហុ
• វិសាលភាពភាពទឹកដីធំទូលាយ ឧទាហរណ៍ រជ្ជកាលព្រះបាទជ័យវរ្ម័នទី ៧
• សង្គមកិច្ច មន្ទីរពេទ្យ ១០២ កន្លែង សាលាដំណាក់តាមបណ្ដាលផ្លូវធំៗមាន ១២១កន្លែង ( តាមសិលាចារឹកព្រះខ័ន ) ។

៣. បានជាខ្មែរតាំងរាជធានីនៅទីក្រុងអង្គរព្រោះ ៖

• ដីមានជីជាតិ សម្រាប់វិស័យកសិកម្ម
• អំណោយផលដល់ប្រព័ន្ធគមនាគមន៍ផ្លូវទឹក
• ផលបម្រើជីវភាពរស់នៅប្រចាំថ្ងៃរបស់ប្រជាជន
• សម្រួលការរស់នៅ
• ទាក់ទងនឹងសាសនា ពិសេសព្រាហ្មណ៍សាសនា អាទិទេពគង់លើភ្នំ
• ការងាររដ្ឋបាលគ្រប់គ្រង ទីក្រុងអង្គរ ជាចំណុចកណ្ដាលនៃប្រទេសកម្ពុជា ។

៤. ការដាក់ប្រាសាទព្រះវិហារជាបេតិកភ័ណ្ឌពិភពលោកទទួលបានប្រយោជន៍ដូចជា​ ៖

• លើកតម្កើងកេរ្តិ៍ឈ្មោះប្រទេសខ្មែរឱ្យមានភាពល្បីល្បាញខាងផ្នែកស្ថាបត្យកម្មចំណោមស្ថាបត្យកម្មពិភពលោក
• អង្គការសហប្រជាជាតិជួយការពារ និងជួសជុលឡើងវិញធ្វើឱ្យប្រទេសភ្ញៀវទេសចរណ៍ និងទទួល
• ស្គាល់ស្នាដៃដែលបានបន្សល់ទុក
• បង្កើនប្រាក់ចំណូលយ៉ាងច្រើនចូលរដ្ឋ តាមករយៈទេសចរណ៍ដែលឧស្សាហកម្មគ្មានផ្សេង
• ផ្សព្វផ្សាយវប្បធម៌ខ្មែរឱ្យល្បីរន្ទី និងទាក់ទាញភ្ញៀវទេសចរណ៍ចូលមកទស្សនាប្រទេសខ្មែរយើង
• ជួយបង្កើន និងបង្កើតការងារដល់ប្រជាពលរដ្ឋខ្មែរ
• ជួយកាត់បន្ថយភាពក្រីក្រ តាមរយៈវិស័យទេសចរណ៍ ។

៥. បង្ហាញពីទីតាំងភូមិសាស្ត្រនៃប្រាសាទព្រះវិហា គឺប្រាសាទព្រះវិហារស្ថិតនៅក្នុងឃុំកន្នួត ស្រុកជាំក្សាន្ត ខេត្តព្រះវិហារ មានចំងាយប្រមាណ ១០០ គ.ម ខាងជើងរួមខេត្តព្រះវិហារចំងាយជាង ១៥០ គ.ម ភាគឥសាននៃខេត្តសៀមរាបនិងប្រមាណ ៤០០ ​គ.ម ភាគខាងជើងនៃរាជធានីភ្នំពេញ ។ ក្នុងការធ្វើដំណើរទៅកាន់ព្រះវិហារគេអាចជ្រើសរើសតាមរយៈផ្លូវពីរ ផ្លូវទីមួយចេញពីខេត្តសៀមរាបតាមផ្លូវកាន់ប្រាសាទ ទៅកាន់បន្ទាយស្រីឆ្ពោះទៅកាន់ស្រុកអន្លង់វែងឡើងទៅដល់ភូមិស្រអែម ហើយរួចបត់ឆ្វេងឆ្ពោះទៅដល់ប្រាសាទតែម្តង ។ ផ្លូវទី២ ចេញពីភ្នំពេញទៅកាន់កំពង់ធំរួចទៅកាន់ព្រះវិហារ ឆ្លងកាត់ទីរួមខេត្តព្រះវិហារ បន្តទៅកាន់ប្រាសាទតែម្តងជួបប្រសព្វគ្នានៃទីប្រជុំជននៃភូមិស្រអែម ។