តើវប្បធម៌សន្តិភាពមានអត្ថប្រយោជន៍ដូចម្ដេចខ្លះ ចំពោះសង្គមខ្មែរយើង? ព្រោះអ្វី?

វប្បធម៌​សន្តិភាព​មាន​អត្ថប្រយោជន៍​ធំ​ធេង​ណាស់​ចំពោះ​សង្គម​ខ្មែរ​យើង ព្រោះ​វប្បធម៌​សន្តិភាព​ ជា​ភាវៈទ្រ​ទ្រង់​នូវ​ការ​សាប​ព្រោះ​ បណ្ដុះ​បណ្ដាល​នូវ​ភាព​ស្ងប់​ មាន​តម្លា​ភាព​ ដោយ​បង្កើត​ឡើង​នូវ​ចរិយាធម៌​ ចេះ​គោរព​សិទ្ធិ​មនុស្ស​ សិទ្ធិ​សេរីភាព​ យុត្តិធម៌​ សាមគ្គីភាព​រវាង​មនុស្ស​ និង​មនុស្សស្រប​តាម​គោល​ការណ៍​នៃ​លទ្ធិ​ប្រជា​ធិបតេយ្យ និង​លទ្ធិ​ព្រះ​ពុទ្ធសាសនា។

អត្ថប្រយោជន៍​នោះ​បាន​ផ្អែក​លើ​ខ្លឹម​សារ​ដូច​តទៅ៖

ក) គោរព​ជីវិតសព្វ​យ៉ាងៈ គោរព​ជីវិត​និង​សេចក្ដី​ថ្លៃ​ថ្នូររបស់​ជន​គ្រប់​រូប​ មិន​ប្រកាន់​ឋានៈ វណ្ណៈ ពណ៌សម្បុរ ភេទ ពូជសាសន៍ ជំនឿ សាសន...។

ខ) ប្រកាន់​មាគ៌ា​អហិង្សា ខន្តី សន្ដោស លះបង់​អស្មិមានៈ មាន​ព្រហ្មវិហារធម៌។

គ) គោរព​សិទ្ធិ​មនុស្ស លទ្ធិ​ប្រជាធិបតេយ្យ​ ទម្រង់​នៃការ​គ្រប់​គ្រង​រដ្ឋដោយ​ប្រជាពលរដ្ឋ​ មាន​ន័យ​ថា​អ្វីៗដែល​រដ្ឋាភិបាល​ធ្វើ​ស្រប​តាម​ច្បាប់​ផង ស្រប​តាម​ឆន្ទៈរាស្ត្រផង។

• ចេះ​ប្រើ​សិទ្ធិ​និង​ច្បាប់​ (ព្រំដែន​នៃសិទ្ធិ​គឺ​ច្បាប់​ ព្រំ​ដែន​នៃ​ច្បាប់​គឺសិទ្ធិ)។

ឃ) អភិវឌ្ឍនិរន្តន៍ៈ អភិវឌ្ឍ​ឥតឈប់​ឈរ ទាំង​ចំណេះ​ដឹង​ បញ្ញាស្មារតី និង​សម្ភារ ដើម្បី​ជីវិត​ សេរីភាព​ និង​សុភមង្គល​។