វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១១)

សំណួរ

១. តើផ្លាកសញ្ញាចរាចរមានប៉ុន្មានប្រភេទ ? អ្វីខ្លះ ?

២. តើភ្លើងសញ្ញាចរាចរមានប៉ុន្មានពណ៍ ?

៣. តើចំណុចសុវត្ថិភាពយានយន្តមានប៉ុន្មាន ? អ្វីខ្លះ ?

៤. ដូចម្តេចដែហៅថា រាជកកុធភណ្ឌ ?

៥. ចូររាប់ឈ្មោះឆ្នាំទាំង១២ និងឈ្មោះសត្វដែលខ្មែរយើងនិយមប្រើ ?

ចម្លើយ

១. ផ្លាកសញ្ញាចរាចរមាន១០ ដូចជា ៖

• ផ្លាកសញ្ញាគ្រោះថ្នាក់
• សញ្ញាបំរាម
• សញ្ញាបញ្ជា
• សញ្ញាប្រាប់សិទ្ធិអាទិភាពចរាចរ
• សញ្ញាដាក់បន្ថែមពីរក្រោម
• សញ្ញាបណ្តោះអាសន្ន
• សញ្ញាប្រាប់ដំណឹង
• សញ្ញាបង្ហាញទិសដៅ
• សញ្ញាប្រាប់ឈ្មោះតំបន់
• សញ្ញាប្រាប់ឈ្មោះផ្លូវ ។

២. ភ្លើងសញ្ញាចរាចរមានបីពណ៌

• ក្រហម
• បៃតង
• លឿង ។

៣. សុវត្ថិភាពយានយន្តមានបួនចំណុច គឺ កង់ ហ្រ្វាំង ចង្កូត និងចង្រ្កេង ។ មុនពេលបត់ឆ្វេង ឬស្តាំអ្នកបើកបរត្រូវប្រើភ្លើងសញ្ញាយ៉ាងតិច ២០ ម៉ែត្រ ។

៤. រាជកកុធភណ្ឌ គឺជាគ្រឿងប្រដាប់ប្រដាសម្រាប់ព្រះមហាក្សត្រគ្រងរាជ្យ ។ វាមានប្រាំយ៉ាង ៖

• មកុដ
• ព្រះខ័ន
• ស្វេតឆត្រ
• សុពណ៍បាទុក (ទ្រនាប់ជើងមាស)
• វាលវីជនី ។

៥. ឈ្មោះឆ្នាំទាំង ១២ និងឈ្មោះសត្វដែលខ្មែរយើងនិយមប្រើមានដូចជា ៖

• ជូត (កណ្តុរ)
• ឆ្លូវ (គោ)
• ខាល (ខ្លា)
• ថោះ (ទន្សាយ)
• រោង (នាគ)
• ម្សាញ់ (ពស់)
• មមី (សេះ)
• មមែ (ពពែ)
• វក (ស្វា)
• រកា (មាន់)
• ចរ (ឆ្កែ)
• កុរ (ជ្រូក) ។