វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី២៨)

សំណួរ

១. កត្តាអ្វីខ្លះដែលបណ្តាលឱ្យមានគ្រោះថ្នាក់ចរាចរណ៍ផ្លូវគោក ?

២. និយាយពីទីតាំងភូមិសាស្ត្ររបស់ប្រទេសកម្ពុជា ?

៣. ច្បាប់ស្តីពីរការរំលូតកូនមានប៉ុន្មានមាត្រា ? មាត្រាទី២ និងទី៨និយាយអំពីអ្វី ?

៤. ចូររាប់ឈ្មោះប្រាសាទព្រមទាំងបញ្ជាក់ទីតាំង ?

៥. តើការបង្ការការឆ្លងរោគចែកចេញជាប៉ុន្មាន ?

ចម្លើយ

១. កត្តាដែលបណ្តាលឱ្យមានគ្រោះថ្នាក់ចរាចរណ៍ផ្លូវគោកមានដូចជា ៖​

• កត្តាមនុស្ស ៖ មិនទាន់គ្រប់អាយុមិនចេះយោគយល់ មិនគោរពច្បាប់ ,បើកហួសល្បឿន,ស្រវឹង ។
• កត្តាយានយន្ត ៖ មិនបានត្រួតពិនិត្យ, ដឹកឬផ្ទុកហួសចំនុះ ។
• កត្តាផ្លូវថ្នល់និងអាកាសធាតុ ៖ ផ្លូវគ្មានគុណភាព,ខ្វះស្លាកសញ្ញាចរាចរណ៍ ,អាកាសធាតុអាប់អ៊ួរ ។

២. ស្ថិតក្នុងឧបទ្វីបឥណ្ឌូចិនមានរាងពហុកោណស្ទើរស្មើជ្រុង ។ ចន្លោះខ្សែស្របទី១០និងទី១៥នៃរយៈទទឹងខាងជើង ,និងចន្លោះខ្សែបណ្តោយទី១០២ និងទី១០៨ នៃរយៈបណ្តោយខាងកើត ។ មានប្រវែងពីជើងទៅត្បូង ៤៤០គីឡូម៉ែត្រនិងពីលិចទៅកើតមានប្រវែង ៥៦០គីឡូម៉ែត្រ, ព្រំប្រទល់សរុប ២៦០០គីឡូម៉ែត្រ ក្នុងនោះមាន៥/៦ជាដីគោក និង១/៦ជាឆ្នេរសមុទ្រ ។ ប្រព័ន្ធផ្លូវទឹក ចែកចេញជាបីគឺប្រព័ន្ធទន្លេមេគង្គ, ទន្លេសាប,និងទន្លេបាសាក់ ។ ទីតាំងភូមិសាស្រ្ត ចែកជាបួនតំបន់គឺ ៖ តំបន់ភ្នំ,ខ្ពង់រាប,ទំនាប,និងឆ្នេរសមុទ្រ ។

៣. មាន៥ជំពូក១៦មាត្រា ។ មាត្រាទី២ចែងថា ៖ ការរំលូតកូនគឺមានការបញ្ចប់គភ៌តាមវិធីវេជ្ជសាស្រ្តឬវិធីណាមួយ ។ មាត្រាទី៨ចែងថា ៖ ការរំលូតកូនអាចធ្វើទៅបានចំពោះគភ៌ណាដែលមានអាយុក្រោម ១២អាទិត្យ ។ ករណីយលើសពី១២អាទិត្យត្រូវទទួលការអនុញ្ញាតិបានលុះត្រាតែក្នុងពេលធ្វើរោគវិនិច្ឆ័យឃើញថា ៖ គភ៌នោះលូតលាស់ខុសប្រក្រីក្រឬអាចបង្ករគ្រោះថ្នាក់ដល់ម្តាយ ។ កូនដែលនិងអាចកើតមានជម្ងឺធ្ងន់ធ្ងរដែលព្យាបាលមិនជា ។ ករណីត្រូវគេរំលោភបណ្តាលឱ្យមានគភ៌ការរំលូតអាចប្រព្រឹត្តទៅបានដោយមិនមានលក្ខខណ្ឌខាងលើតែត្រូវមានការស្នើរសុំដោយទទួចពីអាណាព្យាបាលក្នុងករណីស្រ្តីនោះមានអាយុក្រោម១៨ឆ្នាំ ។

៤. រាប់ឈ្មោះប្រាសាទព្រមទាំងបញ្ជាក់ទីតាំង ៖

• ប្រាសាទកោះកេរ ខេត្តព្រះវិហារ
• ប្រាសាទតាក្របី តាមាន់តូច តាមាន់ធំ ខេត្តឧត្តមានជ័យ
• ប្រាសាទបាណន់ ខេត្តបាត់ដំបង
• ប្រាសាទជើងព្រៃ ខេត្តកំពង់ចាម
• ប្រាសាទសំបូរព្រៃគុក ខេត្តកំពង់ធំ
• ប្រាសាទនាគព័ន្ធ , បន្ទាយក្តី ,បន្ទាយសំរែ បន្ទាយស្រី,ប្រាសាទព្រៃក្មេង,បក្សីចាំក្រុង,បាក់ខែង ខេត្តសៀមរាប ។

៥. ការបង្ការការឆ្លងរោគមានពីរប្រភេទគឺការបង្ការស្តង់ដារ និងការបង្ការបន្ថែម ។