វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១៧)

សំណួរ

១. តើពុទ្ធពរទាំងប្រាំប្រការរបស់ព្រះពុទ្ធមានអត្ថន័យដូចម្តេច ?

២. តើផ្លូវទៅកាន់និញ្វនដែលជាឋានរលត់ទុក្ខរបស់ព្រះពុទ្ធជាម្ចាស់ហៅថាអ្វី ? មានអ្វីខ្លះ ? ចូររៀបរាប់ ?

៣. តើមនុស្សក្នុងព្រះពុទ្ធសាសនាមានប៉ុន្មានជំពូក ? អ្វីខ្លះ ?

៤. តើពាក្យសាសនាមានន័យដូចម្តេច ?

៥. តើនៅលើពិភពលោកមានសាសនាអ្វីខ្លះ ? សាសនានីមួយៗមានដើមកំណើតនៅទីណា ? មានគម្ពីរអ្វីជាគោល ?

ច​ម្លើយ

១. ពុទ្ធពរទាំងប្រាំប្រការរបស់ព្រះពុទ្ធមានអត្តន័យដូចជា ៖

• អាយុ សូមឱ្យអោយយឺនយូរ ( ត្រូវមានសេចក្តីប្រុងប្រយត្ន័)
• វណ្ណៈសូមឱ្យមានពណ៌សម្បុរល្អ (អនាម័យខ្លួនប្រាណ)
• សុខៈ សូមឱ្យមានសុខទាំងផ្លូវកាយផ្លូវចិត្ត ដោយសេចក្តីស្ងប់
• បដិភាណៈ សូមឱ្យមានប្រាជ្ញាវាងវៃឈ្នះអស់មាសត្រូវ
• ពលៈ សូមឱ្យមានសុខភាពមាំមួន ។

២. ផ្លូវទៅកាន់និញ្វនដែលជាឋានរលត់ទុក្ខរបស់ព្រះពុទ្ធជាម្ចាស់ (មគ្គអរិយសច្ចៈ) ហៅថាអដ្ឋង្គិមគ្គមាន៨គឺ ៖

• សម្មាទិដ្ឋ ៖ ការយល់ឃើញត្រូវ
• សម្មាសង្កប្ប ៖ ការត្រិះរិះត្រូវ
• សម្មាវាចា ៖ ពាក្យសម្ពីត្រូវ
• សម្មាកម្មម្ត ៖ ការងារត្រឹមត្រូវ
• សម្មាអាជីវ ៖ ការចិញ្ចឹមជីវិតត្រូវ
• សម្មាវាយាម ៖ ការព្យាយាមក្នុងផ្លូវត្រូវ
• សម្មាសតិ ៖ ការភ្ញាក់រលឹកត្រឹមត្រូវ
• សម្មាសម្មាធិ ៖ ការតាំងចិត្តត្រឹមត្រូវ ។

៣. មនុស្សក្នុងព្រះពុទ្ធសាសនាមានដូចជា ៖

• មនុស្សបេតា ៖ មានរូបជាមនុស្សចិត្តជាមនុស្សធម៌ចិត្តល្អ
• មនុស្សទេវោ ៖ មានរូបជាមនុស្សចិត្តជាទេវតាមានសីលធម៌ខ្ពង់ខ្ពស់
• មនុស្សសោ ៖ មានរូបជាមនុស្សចិត្តប្រេត
• មនុស្សតិរច្ឆាននោ ៖ មានរូបជាមនុស្សចិត្តជាសត្វតិរច្ឆាន ។

៤. ពាក្យសាសនាមកពីពាក្យសាសនៈមានន័យថាជាឳវាទការទូន្មានប្រៀបប្រដៅឬពាក្យបណ្តាំរបស់គ្រូអាចារ្យមួយក្នុងលោក ។ សាសនាធំៗ ៤មាននៅលើពិភពលោកមានគឺព្រះពុទ្ធសាសនា , គ្រិស្តសាសនា, ឥស្លាមសាសនា , ហិណ្ឌសាសនា ។ ធម្មក្ខ័នមានន័យថាការសម្តែងធម៌សាសនារបស់ព្រះពុទ្ធ ។

៥. នៅលើពិភពលោកមានសាស​នា ព្រហ្មសាសនា មានដើមកំណើតនៅប្រទេសឥណ្ឌាមានគម្ពីរត្រៃវេទ

• គ្រិស្តសាសនាមានដើមកំណើតនៅស៊ីរីអ៊ីស្រ្តាអែលមានគម្ពីរប៊ីបជាគោល ។
• តាវសាសនា មានដើមកំណើតនៅប្រទេសចិន ។
• សិន្តូសាសនា មានដើមកំណើតនៅប្រទេសជប៉ុន ។
• អ៊ីស្លាមសាសនាមានដើមកំណើតនៅអារ៉ាប់មានគម្ពីរកូអាន ។