Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

Answer 1


បច្ចុប្បន្នវប្បធម៌បរទេសបានហូរចូលស្រុកខ្មែរយើងច្រើនណាស់។

ក. វប្បធម៌ទាំងនោះជះឥទ្ធិពល ដល់យុវជនខ្មែរយើង ដូចខាងក្រោម៖

  1. តន្រ្ដីញាក់សាច់ខុសពីលក្ខណៈខ្មែរ
  2. ភាពយន្ដអាសអាភាស កាប់សម្លាប់ ឆក់ប្លន់ ល្បិចកលខ្មៅងងឹត
  3. សម្លៀកបំពាក់ស៊ីវិល័យហួសហេតុ ដែលហូរចូលពីបរទេស
  4. ម៉ូតសក់ ឫកពា អាកប្បកិរិយា មារយាទ ឥរិយាបថ (ដេក ដើរ ឈរ អង្គុយ និយាយ) ប្រាកចាកនឹងចរិតលក្ខណៈរបស់ខ្មែរ
  5. កិរិយាត្រាប់តាមបរទេសនិយម ហួសហេតុដូចជា (ចាប់ដៃ ញាក់ស្មា ញាក់ចិញ្ចើម លើកដៃ ដំណើរលោតៗ)
  6. សម្ភារៈប្រើប្រាស់ ច្រើនតែបរទេសនិយមពុំសូវប្រើប្រាស់នូវរបស់អ្វី ដែលជារបស់ជាតិខ្លួនឡើយ។

ខ. ក្នុងនាមអ្នកជាបុគ្គលិកសិក្សាមួយរូប តើត្រូវមានវិធានការបែបណាខ្លះ ដើម្បីទប់ស្កាត់វប្បធម៌ពាលាទាំងនោះ ដូចយ៉ាង៖

  1. បណ្ដុះស្មារតី ស្រឡាញ់សិល្បៈវប្បធម៌ជាតិខ្មែរឲ្យជ្រៅក្នុងស្រទាប់យុវជន
  2. ផ្សព្វផ្សាយសិល្បៈ និងវប្បធម៌ជាតិឲ្យបានច្រើនេជាងការផ្សព្វផ្សាយ វប្បធម៌បរទេសនៅតាមគ្រឹះស្ថានឧត្តមសិក្សានានា និងនៅតាមទីសាធារណៈ
  3. ទប់ស្កាត់វប្បធម៌បរទេសណាដែលមិនផ្ដល់ផលប្រយោជន៍ដល់សង្គមជាតិខ្មែរ
  4. បង្កើតស្នាដៃនូវអ្វី ដែលជារបស់ខ្លួនឲ្យបានច្រើនហើយមានលក្ខណៈសុក្រឹតល្អប្រណីតដែលជាទីពេញនិយមរបស់រាស្រ្តខ្មែរ
  5. ស្រាវជ្រាវឈ្វេងយល់ ស្វ័យកែលម្អវប្បធម៌ជាតិឲ្យស៊ីជម្រៅថែមទៀត
  6. រួបរួមស្នាដៃ​ លើកតម្កើងសិល្បៈ វប្បធម៌ជាតិឲ្យបានព្រមៗគ្នា
  7. អប់រំឲ្យពលរដ្ឋ យុវជននិយមប្រើប្រាស់នូវសិល្បៈវប្បធម៌ជាតិឲ្យបានទូទាំងប្រទេស
  8. អប់រំនឹងចាត់វិធានការអនុវត្ត ទៅតាមទ្រឹស្ដី (Theory) ព្រំប្រទល់នៃសិទ្ធិ (Right) និងច្បាប់ (Law)សិទ្ធិ និងការទទួលខុសត្រូវដើម្បីបំបាត់ភាពអនាធិបតេយ្យឲ្យអស់ពីក្នុងសង្គមជាតិ ព្រមទាំងបំបាត់ការរំលោភសិទ្ធិ
  9. អប់រំសីលធម៌ (Morality) ទាំងប្រាំ ដែលរួមមានសីលធម៌ផ្ទាល់ខ្លួន សីលធម៌គ្រួសារ សីលធម៌សង្គម សីលធម៌វិជ្ជាជីវៈ សីលធម៌អន្តរជាតិ
  10. អប់រំគុណធម៌ ដើម្បីសេចក្ដីថ្លៃថ្នូរក្នុងការរស់នៅរបស់មនុស្ស
  11. ខិតខំពន្យល់ហេតុផលនូវអ្វីដែលជាអំពើអសីលធម៌ ជាកត្តាប៉ះពាល់ដល់ទំនៀមទម្លាប់ ប្រពៃណីជាតិ
  12. អប់រំឲ្យគេយល់ច្បាស់នូវអ្វីដែលជាលក្ខណៈជាតិ អត្តសញ្ញាណជាតិ ដើម្បីទប់ស្កាត់ការបំផ្លាញវប្បធម៌ជាតិ
  13. វាយបក និងទប់ស្កាត់ឲ្យទាន់ពេលវេលាទៅលើអុ្នកដែលបង្កឲ្យមានការប្រព្រឹត្តល្បែងស៊ីសង  ពាលាអាវាសែផ្ដេសផ្ដាស ការទិញទឹកចិត្តសិល្បករ ទិញស្នាដៃអ្នកនិពន្ធបុរាណនានា។

សរុបសេចក្ដីមកជារួមការវាយបក និងទប់ស្កាត់ឲ្យទាន់ពេលវេលាទៅលើអ្នកណាមួយ ដែល មានបំណងមិនល្អ ចង់បំបាត់សិល្បៈវប្បធម៌ជាតិខ្មែរ។


Login or Register to Share Login

×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login