តើកត្តាអ្វីខ្លះ ដែលបណ្តាលឱ្យកើតមានអំពើហិង្សាក្នុងគ្រួសារ ?

កត្តាដែលបណ្តាលឱ្យកើតមានអំពើហិង្សាក្នុងគ្រួសារគឺ ៖

ក. កត្តាផ្ទាល់ខ្លួន ឬ កត្តាបុគ្គល

• អត្តចរិតពីកំណើត ៖ កាចសាហាវ ,យង់ឃ្នង , ក្រេវក្រោធ ប្រចណ្ឌ័
• អវិជ្ជាគ្មានចំណេះដឹង ៖ ល្ងង់ យល់សថាខ្លៅ មិនចេះពិចារណា គំនិតទុទិដ្ឋិនិយម
• ចូលចិត្តសេព្វគ្រឿងស្រវឹង ៖ ផឹកស្រា ,ស្រវឹងភ្លេចភ្លាំង ស្មារតីប្តូរចរិតស្លូតមកកាច
• ចូកចិត្តប្រព្រឹត្តសារជាតិគ្រឿងញៀន ៖ បាត់បង់ស្មារតីទប់អារម្មណ៍មិនបាន
• ចូលចិត្តលេងល្បែងស៊ីសង ៖ ពេលចាញ់មួរម៉ៅក្តៅ ក្រហាយតប់ប្រម៉ល់
• ការរើសអើង ៖ ទស្សនៈផ្ទុយគ្នា ប្រកាន់យល់ថាគេមិនដល់ខ្លួន
• ចាញ់បោកគេ ៖ ចាញ់បោកមិត្តភ័ក្រ្តធ្វើអំពើអបាយមុខ (ល្បែងស៊ីសង,ផឹកស្រាជ្រុលពេក, លេងស្រី )
• កិលេលតណ្ហា ៖ មមៃទៅលើការបម្រើផ្លូវភេទ
• ស្មារតី ៖ មិននឹងនរ មានរោគចិត្តអារម្មណ៍វើរវាយ ស្មុគស្មាញ
• នីកម្មភាព ៖ ត្រូវបណ្តេញចេញពីការងារ គ្មានប្រាក់ចំណូល
• អាពាហ៍ពិពាហ៍វ័យក្មេង នៅឆេវឆាវ, ប្រកាន់អស្មិមានមិនយល់ចិត្តគ្នា
• ជីវភាពគ្រួសារក្រីក្រ ៖ សមាជិកច្រើនចំណាយច្រើន ការរក​ប្រាក់មកផ្គត់ផ្គង់គ្រួសារមិនគ្រប់
• កង្វះសីលធម៌
• ឥរិយាបថមិនសមរម្យ (ច្រង៉េង ច្រង៉ាង)

ខ. កត្តាសង្គម

• អសន្តិសុខ (ឆក់ ប្លន់ ចាប់ជម្រិត ) នាំឱ្យក្រីក្រ
• ស៊ីសំណូក ពុករលួយ (ខូចចិត្តមួម៉ៅ)
• គ្រោះទុរភិក្ស (រាំងស្ងួត ទឹកជំនន់ ព្យុះ) នាំឱ្យក្រីក្រ
• ការមិនគោរពប្រពៃណី (រត់តាមគ្នា ដោយមិនបានរៀបការបានត្រឹមត្រូវ) ។