វិញ្ញាសាទីវប្បធម៌ទូទៅត្រៀមប្រឡងសិស្សពូកែប្រចាំរាជធានី-ខេត្ដ (វិញ្ញាសាទី៣)

សំណួរ

១. តើអ្វីទៅជាគ្រឿងញៀន ? គ្រឿងញៀនមានសណ្ឋា​ដូចម្តេចខ្លះ ?

២. តើកត្តាអ្វីខ្លះដែលបណ្តាលឱ្យជនខ្លះប្រើប្រាស់គ្រឿងញៀន ?

៣. តើអ្នកប្រើប្រាស់គ្រឿងញៀនមានផលប៉ះពាល់អ្វីខ្លះដល់ខ្លួនគ្រួសារ និងសង្គមជាតិ ?

ចម្លើយ

១. ជាការពិតណាស់គ្រឿងញៀន គឺជារុក្ខជាតិឬសារធាតុចម្រាញ់ចេញពីរុក្ខជាតិ ឬសារធាតុគីមីដែលធ្វើឱ្យមានការផ្លាស់ប្តូរនូវមុខងារផ្សងៗរបស់ សារពាង្គកាយមនុស្ស ឬសត្វ ហើយជាពិសេសវាធ្វើឱ្យមានការប្រែប្រួលប្រព័ន្ធសរសៃប្រសាទ និងខួរក្បាលនៅពេលប្រើវា ។ គ្រឿងញៀនមានពីរប្រភេទគឺ ៖

• គ្រឿងញៀនធម្មជាតិ ៖ អាភៀន (ផ្កា ផ្លែអាភៀនជ័រអាភៀនខ្មៅ និងហេរ៉្វអ៊ីនគ្រាប់) កញ្ឆា (ដើម ស្លឹក ជ័រកញ្ឆា និងប្រេងកញ្ឆា) រុក្ខជាតិកូកា និងថ្នាំជក់ ។
• គ្រឿងញៀនសំយោគ ៖ កូកាអ៊ីបាស (បានមកពីការបន្ថែមសារធាតុគីមី) អំហ្វេតាមីន និងពពួកមេតំហ្វេតាមីន អ៊ិចស្តាស៊ី កាវ បារី (មានផ្ទុកសារធាតុគីមីជាង ៤០០០ប្រភេទ ហើយធ្វើឲអ្នកជក់ញៀនខ្លាំងដោយជាតិនីកូទីន) និងគ្រឿងស្រវឹង ទឹកត្នោតជូ ស្រា ស្រាបៀរ)។ ប្រភេទនៃគ្រឿងញៀនទាំងអស់សុទ្ធតែធ្វើឲមានការប៉ះពាល់ដល់សុខភាពរបស់មនុស្សជាខ្លាំងៅពេលដែលពួគេបានប្រើប្រាស់វា។

២. មូលហេតុដែលធ្វើឲជនខ្លះចូលចិត្ដប្រព្រឹត្ដគ្រៀងញៀនគឺៈ

ក.កត្តាបុគ្គលផ្ទាល់

• អវិជ្ជា ល្ងង់ ឆាប់ជឿគេ ចាញ់បោកគេ
• រៀនខ្សោយ រៀនមិនចូល ចេញក្រៅសាលាទៅជួបពួកខិលខូចបបួល។
• ភាពចង់ដឹង ចង់សាក បញដាលឲញៀនខ្លាំងឈប់មិនបានអត្តចរឹករឹងមានះ
• ចង់សប្បាយដើម្បីបំបាត់ការធុញទ្រាន់គឺថាអាចបំភញលេចបញ្ហាផ្សេងៗបាន
• សេពគប់មិត្ដមិនល្អ
• ទទួលការគាបសង្កត់គម្រាមកំហែងពីពួក្មេងទំនើង
• ត្រូវបានចាប់បង្ខំឲប្រព្រឹត្ដដើម្បីទុកធ្វើជាអាយ៉ងរបស់ពួកគេក្នុការរកប្រាក់

ខ.កត្តាគ្រួសារ

• ខ្វះភាពកក់ក្ដៅពីមាតាបិតាអាណាព្យាបាល
• មានអំពើហិង្សារក្នុងគ្រួសារ
• ជីវភាពគញរួសារក្រីក្រ ត្រូវបង្ខំចិត្ដរកស៊ីជួញដូរគ្រឿងញៀន

គ.កត្តាសង្គម

• លំហូរចូលនៃវប្បធម៏បរទេស
• មានការចរាចរទំនិញក្លែងក្លាយ គ្រឿងញៀន។ល។ដោយសារអំពើពុករលួយពីសំណាក់អាញ្ញាធម៏ខ្លះ
• មានការឆកល្វែងពីសំណាក់អាញ្ញាថម៏មានសមត្ថកិច្ចកត្តាសំខាន់ គឺ មាតាបិតាត្រូវប្រុងប្រយត្ន័ ណែនាំអប់រំកូនឲបានដិតដល់ តាមដានរាល់សកម្មភាពរបស់កូនកុំបណ្ដោយឲកូនចៅចាយវាយប្រាក់កាក់ខ្ជះខ្ជាយ ឬបណ្ដាលឲកូនសេពគប់មិត្ដភក្ដិមិនល្អជ្រុលហួស ធញវើឲមានការពិបាកកែ។

៣. ការប្រើប្រាស់គ្រឿងញៀនបង្ករឲមានផល់វិបាកអាក្រក់ ដល់ខ្លួន គ្រួសារនិងសង្គមជាតិ

ក.ចំពោះខ្លួនៈ

• ខូចសុខភាពទ្រុឌ ទ្រោម បាក់កំលាំង ចាស់មុន អាយុ
• កើតជំងឺ (ថ្លើម ក្រពោះ ពោះវៀន រលាកស្រោមខួរពិសេសជំងឺមិនអាចព្យាបាលបានអេដស៍)
• ខាតបង់ប្រាក់កាសទ្រព្យសម្បត្តិ
• ខាតបង់ពេលវេលា
• ខាតបង់ការងារ
• ខាតបង់ការរៀ​នសូត្រ
• បាត់បង់កិត្តិយស សេចក្តីថ្លៃថ្នូរជាមនុស្ស
• ប៉ះពាល់ដល់ខួរក្បាល អាចក្លាយជាមនុស្សឆ្តួត ឡប់សតិ ងាយនឹងឆាប់ភ្លេចភ្លាំង
• មានចរិតកាចសាហាវ ឃោឃៅ ចូលចិត្តប្រើហិង្សា ហ៊ានប្រព្តឹត្តចោរកម្ម ឆក់ប្លន់ ឧក្រិដ្ឋកម្ម
• ធ្វើអ្វីមួយគ្មានការពិចារណា
• បាត់បង់មនុស្សដែលជាទីស្រលាញ់របស់ខ្លួន និងមិត្តភក្តិ អ្នកជិតខាង រស់នៅឯកោ
• បាត់បង់គ្រួសារ សាច់ញាតិ
• បាត់បង់ទំនុកចិត្តលល្អពីសំនាក់គ្រួសារ បងប្អូន សាច់ញាត់
• បាត់បង់ឳកាសល្អនៅក្នុងជីវិត (ខូចអនាគត)
• អាចជាប់គុក ឬស្លាប់ខ្លួន ។

ខ. គ្រួសារ

• បាត់បង់ធនធានមនុស្សនៅក្នុងគ្រួសារ (ជាអ្នករកប្រាក់ចំណូល ជាអ្នកផ្តល់ភាពកក់ក្តៅ ជាក្តី សង្ឃឹមនៅក្នុងគ្រួសារ)
• ខាតបងប្រាក់កាស ទ្រព្យសម្បត្តិ
• ខាតបង់ពេលវេលា
• បាត់បង់សេចក្តីថ្លៃថ្នូរ កិត្តិយសគ្រួសារ (ពូជអំបូរ)
• បង្កអោយមានអំពើហិង្សាក្នុងគ្រួសារ (កើតមានជំលោះផ្សេង)
• បាត់បង់មនុស្សដែលជាទីស្រលាញ់របស់ខ្លួន និងមិត្តភក្តិ អ្នកជិតខាង
• បាត់បង់ទំនុកចិត្តល្អពីសំនាក់គ្រួសារ បងប្អូន សាច់ញាតិ
• ធ្វើអោយមានភាពសោកសៅ សោកសង្រេងនៅក្នុងគ្រួសារ
• មានការបារម្មណ៍ពីសំនាក់សមាជិកគ្រួសារ (វិបត្តិផ្លូវចិត្ត)

គ. សង្គមជាតិ

• បាត់បង់ធនធានមនុស្សនៅក្នុងសង្គម
• បាត់បង់សេចក្តីថ្លៃថ្នូរ កិត្តិយសសំរាប់ជាតិ
• បង្កអោយមានអំពើហិង្សាក្នុងសង្គម (កើតមានជម្លោះផ្សេងៗ)
• កើតមានអំពើអសន្តិសុខសង្គម (ឆក់ ប្លន់ សម្លាប់ ចាប់ជម្រិត ចាប់រំលោភ)
• កើតមានភាពអនាធិបតេយ្យ ច្របូកច្របល់ រញ៉េរញ៉ៃ
• សង្គមគ្មានការរីចចម្រើន ជួបវិបត្តិក្រីក្រពឹងអាស្រ័យតែជំនួយបរទេស ។