តើការបាត់បង់ព្រៃឈើបណ្តាលមកពីមូលហេតុសំខាន់ៗអ្វីខ្លះ ?

កត្តាដែលធ្វើឱ្យបាត់បង់ព្រៃឈើ មាន ៖

ក. កត្តាមនុស្ស ជាង ៩០% ៖

• បញ្ហាសង្រ្គាម បន្ទុះគ្រាប់ បាញ់បញ្ឆេះព្រៃបំផ្លាញសត្រូវ
• ការធ្វើអាជីវកម្មព្រៃឈើក្នុងទ្រង់ទ្រាយធំបែបអនាធិបតេយ្យ
• កំណើនប្រជាជននាំឱ្យមានតម្រូវការផ្សេងៗដូចជា រានព្រៃធ្វើលំនៅស្ថាន ​និងរៀបចំហេដ្ឋានរចនាសម្ព័ន្ធ ផ្លូវស្ពាន
• តម្រូវការប្រើប្រាស់ ធ្វើអុស ធ្យូងដុត
• តម្រូវការក្នុងការងារសំណង់រោងចក្រ (ឈើពុម្ពជាដើម)
• តម្រូវការគ្រឿងសង្ហារឹម (តុ ទូ កៅអី)
• ជំនីកយករ៉ែ
• កំណើនតម្រូវការដីដាំដុះ ពិសេសនៅតំបន់ឦសាន ដែលអនុវត្តកសិកម្មព្រៃដុត
• ការដុតព្រៃយកសត្វ
• ការដែលធ្វើឱ្យកើតមានភ្លើងឆេះព្រៃដូចជា ទុកងងើកភ្លើងចោលការចោលកន្ទុយបារីក្នុងព្រៃ ជាហេតុនាំឱ្យភ្លើងឆេះព្រៃឈានដល់ការបាត់បង់ព្រៃឈើ ។

ខ. កត្តាធម្មជាតិ មានតិចតួចអាចជា ៖

• ភ្លើងឆេះព្រៃនៅរដូវក្តៅ
• បន្ទុះភ្នំភ្លើង
• ព្យុះ
• ទឹកជំនន់
• ការប្រែប្រួលអាកាសធាតុ (ក្តៅត្រជាក់ភ្លាមៗឬស្ងូតហែងខ្លាំង) ។​