សំណួរ-ចម្លើយ ជំពូកទី២ ការតាក់តែងលិខិតរដ្ឋបាល (ភាគ៥)

សំណួរ

២១- តើការរៀបចំធ្វើកិច្ចសន្យាមានប៉ុន្មានប្រភេទ ?

២២- តើទំរង់នៃកិច្ចសន្យាមានប៉ុន្មានផ្នែក ?

២៣- តើចំណែកដើមនៃកិច្ចសន្យាមានអ្វីខ្លះ ? ចូរបកស្រាយ ?

២៤-​ តើរូបមន្តបញ្ចប់នៃកិច្ចសន្យាមានអ្វីខ្លះ ?

២៥-​ អ្វីទៅជាពាក្យបណ្តឹង ?

ចម្លើយ

២១- ររៀបចំធ្វើកិច្ចសន្យាមានពីរប្រភេទគឺ ៖

• ការធ្វើសេចក្តីព្រាង

            អង្គភាពជំនាញ ជាអ្នករៀបចំធ្វើសេចក្តីព្រាងនៃកិច្ចសន្យា បើសិនកិច្ចសន្យាជាមួយរដ្ឋ ។ អ្នកតែងសេចក្តីត្រូវមានឯកសារពាក់ព័ន្ធនឹងកិច្ចការ និងបទបញ្ញត្តិនានា ដើម្បីធ្វើជាមូលដ្ឋាន ព្រមទាំងត្រូវមានការណែនាំច្បាស់លាស់ពីថ្នាក់លើ ។ ជួនកាលគេអាចរកគំរូនៃកិច្ចសន្យាពីមុនៗ មកធ្វើជាមូលដ្ឋាន ។ បើកិច្ចសន្យាឯកជនភាគីទាំងពីរ ត្រូវចូលរួមធ្វើកិច្ចសន្យាជាមួយគ្នា ឬភាគីណាមួយធ្វើសេចក្តីព្រាងហើយ យកមកពិភាក្សាគ្នាតាមក្រោយក៏បាន ។

            សេចក្តីព្រាងនៃកិច្ចសន្យា ត្រូវដាក់ជូនអាជ្ញាធរថ្នាក់លើពិនិត្យ និងយល់ព្រម បើកិច្ចសន្យាជាមួយរដ្ឋ ។

• ការត្រួតពិនិត្យ និងការអនុញ្ញាតជាមុន

            ចំពោះកិច្ចសន្យាដែលពាក់ព័ន្ធនឹងការចំណាយថវិការដ្ឋ កិច្ចសន្យានេះ ត្រូវមានការអនុញ្ញាតជាមុនពីក្រសួងសេដ្ឋកិច្ច និងហិរញ្ញវត្ថុ ។ រីឯកិច្ចសន្យាដែលពាក់ព័ន្ធនឹងការជួលបុគ្គលិក ត្រូវមានការអនុញ្ញាតជាមុន ពីរដ្ឋលេខាធិការដ្ឋានមុខងារសាធារណៈ ។

            ប៉ុន្តែក្នុងករណីទាំងពីរខាងលើ ទាំងការចំណាយថវិការដ្ឋ ទាំងការជួលបុគ្គលិក ត្រូវអនុវត្តឲ្យបានត្រឹមត្រូវតាមគោលការណ៍រាជរដ្ឋភិបាល​ និងបទបញ្ញត្តិ របស់ក្រសួងសេដ្ឋកិច្ច និងហិរញ្ញវត្ថុ និងរដ្ឋលេខាធិការដ្ឋានមុខងារសាធារណៈ ។

២២- ទំរង់នៃកិច្ចសន្យារួមមាន៣ផ្នែកគឺ ៖

• ចំណែកដើម
• អត្ថបទ
• រូបមន្តបញ្ចប់

២៣- ចំណែកដើមរួមមាន ៖ ក្បាលលិខិត និងចំណងជើង ។

• ក្បាលលិខិតរួមមាន ៖ ឈ្មោះហៅផ្លូវការ នៃប្រទេស បាវចនា និងប្រភព ។
• ចំណងជើង ៖ គេសរសេរចំណងជើងនៅចំកណ្តាលទំព័រ ជាតួអក្សរធំបន្តិច ក្រោមបាវចនាប្រហែល ៤-៥​ចន្លោះបន្ទាត់ ។

ឧទាហរណ៍ ៖

                                                                                        កិច្ចសន្យា

                                                                                            ស្តីពី

                                                                         ............................................

• រូបមន្តនៃកិច្ចសន្យា ៖ ​គេសរសេរឈ្មោះភាគីដែលពាក់ព័ន្ធនិងកិច្ចសន្យា នៅក្នុងចំណែកដើមដែរ ។ ក្នុងការសរសេរភាគីដែលពាក់ព័ន្ធនឹងកិច្ចសន្យា គេត្រូវសរសេរមុខងារអ្នកទទួលខុសត្រូវក្នុងក្រសួង ស្ថាប័ន អង្គភាព គឺគេមិនសរសេរឈ្មោះបុគ្គលទេ ។ រីឯភាគីម្ខាងទៀត ដែលត្រូវចុះកិច្ចសន្យាជាមួយនោះ គេត្រូវបា្រប់ឈ្មោះ មុខងារក្នុងសង្គមព្រមទាំងអាស័យដ្ឋាន ។

ឧទាហរណ៍ ៖

                                                                       រដ្ឋមន្រ្តីក្រសួងអប់រំ យុវជន និងកីឡា

                                                                                                 និង

                                                                       លោក ក នាយកក្រុមហ៊ុន..................

                                                         អាស័យដ្ឋាន ផ្ទះលេខ....................................................

២៤-​ រូបមន្តបញ្ចប់មានដូចជា ៖

            ក- ទីកន្លែង និងកាលបរិច្ឆេទ ៖ គេចុះកាលបរិច្ឆេទ នៃកិច្ចសន្យានៅថ្ងៃដែលភាគីចុងក្រោយគេចុះហត្ថលេខា ។ គេសរសេរកាលបរិច្ឆេទនៃកិច្ចសន្យានៅខាងក្រោមអត្ថបទនៃកិច្ចសន្យា ។

            ឧទាហរណ៍ ៖​​

                                              ....................................................................................។

                                                                                                                 រាជធានីភ្នំពេញ ថ្ងៃទី.....ខែ.........ឆ្នាំ.......

            ខ- ការចុះហត្ថលេខា

                        ការបញ្ជាក់ពាក់ព័ន្ធ និងអ្នកចុះហត្ថលេខា ត្រូវបានសរសេរនៅខាងក្រោមកាលបរិច្ឆេទចន្លោះ ២-៣ បន្ទាត់ ឬទៅតាមការជាក់ស្តែង ។

            គេសរសេរមុខងារតំណាងនៃស្ថាប័ន អង្គភាព នីមួយៗ ។

            ឧទាហរណ៍ ៖

            ប្រធានផ្គត់ផ្គង់ សហគ្រាសដឹកជញ្ជូន

            ឈ្មោះអ្នកចុះហត្ថលេខា ត្រូវសរសេរខាងក្រោមហត្ថលេខា ។

            គ- រូបមន្ត នៃការយល់ព្រម

            បើត្រូវបញ្ជូនកិច្ចសន្យា ទៅអាជ្ញាធរថ្នាក់លើចុះហត្ថលេខាយល់ព្រមទៀត គេត្រូវសរសេរូបមន្តដូចខាងក្រោមនេះ​៖

លេខ.....................................

   បានឃើញ និងយល់ព្រម

.............ថ្ងៃទី.....ខែ.....ឆ្នាំ........

                រដ្ឋមន្រ្តី

គំរូឧទាហរណ៍

                                                                               ព្រះរាជាណាចក្រកម្ពុជា

                                                                           ជាតិ សាសនា ព្រះមហាក្សត្រ

                                                                                          កិច្ចសន្យា

                                                                                              ស្តីពី

                                                                           .............................................

                                                                           រដ្ឋមន្រ្តីក្រសួង........................

                                                                                                និង

                                         លោក សុក នាយកក្រុមហ៊ុន...................................................................

                                                     អាស័យដ្ឋាន.................................................................

                                                                   បានព្រមព្រៀងគ្នាដូចខាងក្រោម ៖

                                    ប្រការ ១ ៖ ........................................................................................................

                                    ប្រការ ២ ៖ ........................................................................................................

                                    ប្រការ ៣ ៖ ........................................................................................................

                                    ប្រការ ៤ ៖ ........................................................................................................

                                                 កិច្ចសន្យានេះធ្វើឡើងដោយគ្មានភាគីណាមួយ បង្ខំភាគីណាមួយឡើយ ។

                                                                                                              រាជធានីភ្នំពេញ ថ្ងៃទី......ខែ........ឆ្នាំ..........

                                                                                                                                                            រដ្ឋមន្រ្តី

                                                                                                                      ប្រធានផ្គត់ផ្គង់              អគ្គនាយក

            លេខ..................

      បានឃើញ និងយល់ព្រម

រាជធានីភ្នំពេញ ថ្ងៃទី.....ខែ......ឆ្នាំ........

                  រដ្ឋមន្រ្តី..............

២៥- ​ពាក្យបណ្តឹង គឺជាលិខិតដែលបុគ្គលម្នាក់ប្តឹងទៅរដ្ឋអំណាច ឬតុលាការ ដើម្បីឲ្យដោះស្រាយទំនាស់រវាងរូបគេ ជាមួយនឹងបុគ្គលណាម្នាក់ ឬជាមួយស្ថាប័ន អង្គភាពណាមួយ ។ល។

តភាគ