ពេលព្រឹកព្រលឹម ឬពេលរសៀលទេរទាប នៅតាមកម្ម វិធីបុណ្យដែលបានកំណត់គឺ ៖
- អាចារ្យត្រូវរៀបតុមួយ មានកំរាល មានបង្គោលចង ឆ័ត្រ បាំងពីលើ។
- លើតុត្រូវមានម្ហូបមួយថាស បង្អែមមួយថាស បាយ ទឹកមួយផ្តឹល ផ្កាមួយថូ សំពត់ពណ៌មួយគូ ទៀន ធូប សម្រាប់អុជ។
- អាចារ្យប្រកាសទេព្តា ក្នុងពិធីក្រុងពាលីនេះ អាចារ្យ ស្លៀកពាក់សនិងពានាសំពត់សដែរ។
- អាចារ្យប្រកាសបួងសួងទេព្តា ដូចតទៅ ភោន្តោ ទេវ សង្ឃា យោបពិត្រពពួកទេព្តានិករ ទេព្តាទាំងឡាយដែល ស្ថិតនាគិរីបុព្វតា ក្នុងព្រៃព្រឹក្សា លើដែនពសុធា ជ្រោះជ្រង ជ្រងជ្រលងដងអូរដងស្ទឹង បឹងបួរ ទន្លេ សមុទ្រក្តី ទាំងទេព កោសីយ៍ សហស្សន័យ ឥន្ទ្រាធិរាជ ដែលកាន់អំណាចត្រួត ត្រាលើគ្រប់ទីដ្ឋាន និងថែរក្សា គ្រប់គ្រងមនុស្សលោកមានព្រះឥន្ទក្តី អាកាសទេវា រុក្ខទេវា ទាំងទេព្តារក្សា ភូមិស្ថាន ទីលានព្រះចេតិយ សូមលោកទ្រង់ជា្របថា ថ្ងៃនេះជាថ្ងៃ កើតឬរោជ ខែ ឆ្នាំ ត្រូវនឹងថ្ងៃទី ខែឆ្នាំពុទ្ធបរិស័ទចំណុះជើងវត្តមានជួយឧបត្ថម្ភផងបានធ្វើបញ្ចុះសីមាព្រះវិហារដែលសាងឡើងតាំងពីឆ្នាំហើយស្រេចនៅថ្ងៃ ខែ ឆ្នាំ ។ ឥឡូវនេះបានរៀបចំធ្វើពិធីបុណ្យបញ្ចុះវេរប្រគេនដល់ព្រះសង្ឃសម្រាប់តម្កល់ទុកជាសម្បត្តិព្រះពុទ្ធសាសនា ដើម្បីព្រះសង្ឃធ្វើសង្ឃកម្មតរៀងទៅ។ ហេតុដូច្នេះសូមពពួកទេព្តា ដែលយើងខ្ញុំបានរៀបរាប់នាមរួចមកហើយមេត្តាជ្រាបដំណឹងនេះ ហើយអញ្ជើញមក ទទួលអំណរសាទរ ជួយប្រសិទ្ធិពរមង្គលសួស្តី ចំពោះ។ ដុំថ្មធំៗជានិមិត្តសញ្ញាសីមាដែលរៀបចំបញ្ចុះក្នុងព្រះវិហារនេះ និងជួយសូមសទ្ធាជ្រះថ្លារបស់ពុទ្ធបរិស័ទមានជានិច្ចនិរន្តន៍ ក្នុងព្រះពុទ្ធសាសនាទាំងនោះ។ ម៉្យាងទៀតសូម ពពួកទេវតាជួយថែរក្សាទាំងបុព្វជិត និងគ្រហស្ថ ដែលបានមកចូលរួម ក៏សាងវត្តនេះក្តី ដោយភាពសោមមនុស្សរីករាយ សូមឱ្យអស់លោកបានសេចក្តីសុខចម្រើន និងកើនផលប្រយោជន៍ ដូចសេចក្តីប្រាថ្នា កុំបីឃ្លៀងឃ្លាតដល់អវសានជាតិ។ តពីក្រុងពាលីបួងសួងទេព្តាមក ដល់ពេលព្រលប់ លោកអាចារ្យបន្តកម្មវិធី នាំឧបាសក ឧបាសិកា នមស្សកា ថ្វាយបង្គុំ សុំសីលនិងចម្រើនព្រះបរិត្តតទៅ។ បន្តបន្ទាប់មក អនុវត្តតាមលំដាប់លំដោយនៃកម្មវិធីបុណ្យដូចបានរៀបរាប់ខាងដើមពីទី១ដល់ទី៧តាមសំគូរដល់កាលវេលា។
