វិញ្ញាសាប្រវត្តិសាស្រ្តនៃបុរេប្រវត្តិសាស្រ្ត( វិញ្ញាសាទី៦)

សំនួរ

១. តើខ្មែរប្រើប្រាស់អក្សរអ្វី ? មានប្រភពមកពីណា​ ? អក្សរទាំងនោះមានឈ្មោះដូចម្តេច ?

២. តើប្រទេសណាខ្លះ ប្រើប្រាស់អក្សរនេះ ? ខ្មែរប្រើពីស.វទីប៉ុន្មានដល់ស.វ៩ទីប៉ុន្មាន ?

៣. តើអ្នកណា ជាអ្នកផ្តាច់លក្ខណៈអក្សរពីបល្លវៈ និងចាលុក្យៈ មកជាលក្ខណៈអក្សរខ្មែរ ?               

៤. ចូររាប់សម័យកាលប្រវត្តិសាស្រ្តខ្មែរ តាំងពីកកើតរហូតមកដល់បច្ចុប្បន្ន ។

ចម្លើយ

១. ខ្មែរប្រើប្រាស់អក្សរ បល្លវៈ និងចាលុក្យៈជាអក្សរទក្ខិណាបថ របស់ឥណ្ឌាភាគខាងត្បូង ។ អក្សរនេះមានឈ្មោះថា អក្សរព្រាហ្ម៍ ។

២. ប្រទេសដែលប្រើប្រាស់អក្សរព្រាហ្មី មានប្រទេសឥណ្ឌាខាងត្បូង , ភូមា , មន​, ខ្មែរ ( សម័យហ្វូណន ចេនឡា ) ចម្ប៉ា និងតំបន់អាស៊ីអាគ្នេយ៍ដីកោះមួយចំនួនទៀត ដូចជា ស៊ូមាត្រា , ជ្វា , ម៉ាឡាកា ជាដើម ។ ខ្មែរប្រើប្រាស់អក្សរនេះចាប់តាំងពីស.វទី៣ ដល់ស.វទី៩ នៃគ.ស ។ បន្ទាប់ពីនោះមក ខ្មែរបានកែច្នៃអក្សរនេះជាលក្ខណៈអក្សរខ្មែរវិញ ។

៣. គឺព្រះបាទយសោវរ្ម័នទី១ ដែលសោយរាជ្យពីឆ្នាំ ៨៨៩ ដល់ឆ្នាំ ៨៨៩ គ.ស ។       

៤.

1. សម័យនុរេប្រវត្តិសាស្រ្ត ៤២៩០ ឆ្នាំមុនគ.ស ដល់៥២នៃគ.ស
2. សម័យហ្វូណន ( ៥២ គ.ស ដល់ ៥៥០គ.ស )
3. សម័យចេនឡា ( ៥៥០ គ.ស ដល់ ៧០៦គ.ស​ )
4. សម័យអង្គរ ( ៨០២ គ.ស​ ដល់ ១៤៣៤ គ.ស​ )
5. សម័យចតុមុខ ( ១៤៣៤ គ.ស ដល់ ១៥២៩គ.ស )
6. សម័យលង្វែក ( ១៥២៩ គ.ស ដល់ ១៦២០ គ.ស ០)
7. សម័យឧត្តុង (១៦២០ គ.ស​ ដល់ ១៨៦៣ គ.ស​ )​
8. សម័យអាណាព្យាបាលបារាំង ( ១៨៦៣ គ.ស ដល់ ១៩៥៣ គ.ស )
9. សម័យសង្គមរាស្រ្តនិយម ( ១៩៥៥ គ.ស ដល់ ១៩៧០ គ.ស )
10. សម័យសាធារណៈរដ្ឋខ្មែរ ( ១៩៧០ គ.ស ដល់ ១៩៧៥ គ.ស )
11. សម័យកម្ពុជាប្រជាធិបតេយ្យ ( ១៩៧៥ គ.ស ដល់ ១៩៧៩ គ.ស )
12. សម័យសាធារណៈរដ្ឋប្រជាមានិតកម្ពុជា( ១៩៧៩ គ.ស ដល់ ១៩៨៩ គ.ស​ )
13. សម័យរដ្ឋកម្ពុជា ( ១៩៨៩ គ.ស ដល់ ១៩៩១ គ.ស )
14. សម័យអន្តរកាលគ្រប់គ្រងដោយ UNTAC ( ១៩៩១ គ.ស ដល់ ១៩៩៣ គ.ស )
15. សម័យព្រះរាជាណាចក្រកម្ពុជាទី២ ( ១៩៩៣ គ.ស ដល់ បច្ចុប្បន្ន​  ) ។