វិញ្ញាសាប្រវត្តិសាស្រ្តនៃប្រទេសម្ពុជា( វិញ្ញាសាទី២៩)

សំនួរ

១. តើព្រះបាទជយវម៌្មទី៧ ទ្រង់កាន់សាសនាអ្វី ?                 

២. តើគណៈមហាយាន និងហីនយាន មានលក្ខណៈសម្គាល់ដូចម្តេចខ្លះ ?

៣. តើព្រះនាងជយរាជ្យទេវី ជាអ្នកណា ? ព្រះនាងឥន្រ្ទទេវីជាអ្នកណា ?

៤. ចូរនិយាយពីវិរភាពរបស់ព្រះនាងឥន្រ្ទទេវី ?              

៥. តើសំនង់ក្នុងរាជ្យព្រះបាទជយវម៌្មទី៧ មានអ្វីជាសំគាល់ ?

ចម្លើយ

១. ព្រះបាទជយវម៌្មទី៧ ទ្រង់កាន់ព្រះពុទ្ធសាសនា និកាយមហាយាន ដែលស្តេចមុនៗនៅសម័យអង្គរពុំធ្លាប់គោរពប្រតិបត្តិជាសាសនាធំសម្រាប់ប្រទេសទេ ។

២. លក្ខណៈសម្គាល់ព្រះពុទ្ធសាសនា ហីនយាន ៖

• នមស្សការចំពោះព្រះពុទ្ធ ព្រះធម៌ ព្រះសង្ឃ
• ពុទ្ធរូប១អង្គ និងបញ្ចាវគ្គីភិក្ខុទាំង៥
• បដិមា ឬគំនូ ព្រះពុទ្ធរូបទាំង៥ព្រះអង្គ
• គោរពប្រតិបត្តិតាមគម្ពីរព្រះត្រៃបិដក
• ព្រះពុទ្ធរូបចូលនិព្វាន
• ការប្រាថ្នាយកនុព្វានជាធំ
• និយាយពីអនិច្ចំ ទុក្ខំ អនត្តា
• គម្ពីរ សាសនាប្រើភាសាបាលី...​។

ព្រះពុទ្ធសាសនាមហាយាន ៖

• នមស្សការចំពោះ ព្រះពុទ្ធ ព្រះពោធិសត្វអវលោកកេស្វរៈព្រះនាងប្រាជ្ញាបារមីតា សមន្តភ ហេវជ្រសត្វ ... ។
• បដិមាមានព្រះពុទ្ធរូប អមិតាភៈតូចនៅលើភ្នួងសក់
• មានព្រះពោធិសត្វច្រើនអង្គ ដែលមានព្រះពុទ្ធអមិតាភៈតូចនៅលើភ្នួងសក់
• មានព្រះពោធិសត្វច្រើន ចាំជួយមនុស្សលោក
• ក្តីប្រាថ្នា យកត្រឹមឋានសួគ៌និងព្រះពោធិសត្វ
• មានគម្ពីរផ្ទាល់ខ្លួនដូចជា គម្ពីរសុវណ៌ប្រភាសសទ្ធបុណ្ឌរីកលង្កាវតា ប្រាជ្ញាបារមីតា ជាដើម
• គម្ពីរសាសនា ប្រើភាសាសំស្ត្រឹត... ។

៣. ព្រះនាងជ័យរាជទេវី គឺជាអគ្គមហេសីរបស់ព្រះបាទជយវម៌្មទី៧ ។ បន្ទាប់ព្រះនាងសុគតទៅ ព្រះនាងឥន្រ្ទទេវីដែលជាបងស្រី បានធ្វើជាអគ្គុមហេសីព្រះបាទជយវម៌្មទី៧ម្តងវិញ ជំនួសឲ្យប្អូនស្រីវិញ ។

៤. វីរភាពរបស់ព្រះនាងឥន្រ្ទទេវី គឺព្រះនាងជាកវីករខាងកំណាព្យជាភាសាសំស្ត្រឹត មានចំណេះដឹងព្រះពុទ្ធសាសនានឹងជាសាកលវិទ្យាធិការ នៃសាកលវិទ្យាល័យរាជវីហារ ( ប្រាសាទតាព្រហ្ម ) បានជួយកិច្ចការជាច្រើនរបស់ព្រះបាទជ័យវម៌្មទី៧ នឹងអគ្គមហេសីទី២ ព្រះបាទជយវម៌្មទី៧ បន្ទាប់ពីព្រះនាងជយតេវី ដែលជាប្អូនស្រីោនឹងជាអគ្គមហេសីទី១ព្រះបាទជយវម៌្មទី៧ បានសុគតចោល ។

៥.សំណង់ព្រះបាទជួយវម៌្មទី៧ មានលក្ខណៈសម្គាល់ដូចជា៖

· មានរូបព្រហ្មមុខ៤ នៅលើកំពូលប្រាសាទ

· មានចម្លាក់ព្រះពុទ្ធប្រកនាគ អមដោយព្រះពោធិសត្វអវលោកេស្វរៈ និងនាងប្រាជ្ញាបារមិតា

· ចម្លាក់ព្រះពោធិសត្វ មានរូបព្រះពុទ្ធអមិតាភៈតូបនៅលើភ្នួងសក់ លើដងខ្លួននិងនៅលើបាតដៃ

· មានរូបសត្វគ្រុឌ និងនាគនៅជាមួយគ្នា ។ ​