វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី១៧)

សំណួរ

១. តើគេធ្វើចំណែកថ្នាក់របស់ អង់ស៊ីមដោយរបៀបណា ?

២. តើកត្តាអ្វីខ្លះ ដែលអាចធ្វើឪ្យប្រូតេអ៉ីន បាត់បង់គុណភាពបាន ?

៣. ហេតុអ្វីបានជា គេនិយាយថា អង់ស៊ីមជាប្រូតេអ៉ីនយថាប្រភេទ ?

៤. ចូរបៀបធៀប AND និង ARNm ។

៥. ចូរពណ៌នា នាទី AND, ARNm, ARNt, ARNr ក្នុងចលនាសំយោគប្រូតេអ៉ីន ។

ចម្លើយ

១. គេធ្វើចំណែកថ្នាក់របស់ អង់ស៊ីម តាមរយៈតួនាទីរបស់អង់ស៊ីតនោះ ។

២. កត្តាដែលធ្វើឪ្យប្រូតេអ៉ីនខូចគុណភាពមានដូចជា កត្តាអាស៊ីតខ្លាំង បាសខ្លាំង សាប៊ូ អំបិល លោហៈធាតុធ្ងន់ ប​ម្រែបម្រួក សីតុណ្ហភាព និងចលនាមេកានិចនិង កត្តាផ្សេងៗទៀត ។

៣. បានជាគេនិយាយថា អង់ស៊ីមជាប្រូតេអ៉ីនយថាប្រភេទពីព្រោះ គ្រប់អំពើអស់របស់អង់ស៊ីមទាំងអស់មិនមែនជាប្រូតេអ៉ីននោះទេ ។ ម៉្យាងវិញទៀតអង់ស៊ីមនីមួយៗ មានអំពើ ទៅលើប្រតិកម្មមួយជាក់លាក់ ។

៤. បៀបធៀប AND និង ARNm ៖

• ម៉ូលេគុល AND កើតចេញពីច្រវ៉ាកនុយក្លេអូទីតពីរខ្សែស្របគ្នា មាននុយក្លេអូទីត ប្រភេទ T ស្ករប្រភេទដេអុកស៊ីរីបូលមានប្រវែងវែងស្ថិតនៅក្នុងណ្វៃយ៉ូតំណលំដាប់ នុយ ក្លេអូទីតជាអ្នកកំណត់តំណលំដាប់អាស៊ីតអាមីនេនៅក្នុងម៉ូលេគុលប្រូតេអ៉ីន ។
• ម៉ូលេគុល ARNm ជាច្រវ៉ាក់នុយក្លេអូទីតទោលមាននុយអូទីតប្រភេទ U ស្ករប្រភេទរីបូសប្រវែងខ្លីសំយោគនៅក្នុងណ្វៃយ៉ូហើយដឹកនាំមកកាន់ស៊ីតូប្លាស ។

៥. ពណ៌នានាទីរបស់ AND, ARNm, ARNt, ARNr ក្នុងចលនាសំយោគប្រូតេអ៉ីន ៖

• AND មាននាទីស្តុតព័ត៌មានមានចាំបាច់សម្រាប់សំយោគប្រូតេអ៉ីនច្រើនយ៉ាង ។
• ARNm មាននាទីចម្លងក្រមពីច្រវ៉ាក់ម្ខាងរបស់ AND ហើយដឹកនាំដឹកច្រវ៉ាក់នុយក្លេអូទីតទោលនេះទៅកាន់ស៊ីតូប្លាស ។
• ARNt មាននាទីដឹកនាំកូដុងរបស់ ARNm ពីស៊ីតូប្លាសដោយអង់ទីកូដុងរបស់វាទៅកាន់រីបូសូម ដើម្បីសំយោគប្រូតេអ៉ីន ។
• ARNr មាននាទីចូលរួមដើម្បីបង្កើតរីបូសូមក្នុងការរំយោគប្រូតេអ៉ីន ។

វិញ្ញាសាទី១៨