ចូរនិយាយអំពីគណបក្សនយោបាយនិងការបោះឆ្នោតសភានៅប្រទេសអង់ភ្លេស ?

គណបក្សនយោបាយ ៖ ប្រទេសនេះប្រកាន់យកនូវរបបនយោបាយលទ្ធិប្រជាធិបតេយ្យដែលអាស្រ័យនិងប្រព័ន្ធរៀបចំគណបក្សនយោបាយ ដែលតំណាងឱ្យទស្សនៈប្លែកគ្នា។ ក្នុងប្រទេសនេះមានគណបក្សធំពីរគឺគណបក្សអភិរក្សនិយម និងគណបក្សការងារ។ គណបក្សធំទី៣ក្នុងរដ្ឋសភាគឺគណបក្សប្រជាធិបតេយ្យសេរី។ គណបក្សទី៥ដល់៦ដទៃទៀតក៏មានតំណាងនៅក្នុងរដ្ឋសភាដែរ។ មេដឹកនាំគណបក្សដែលឈ្នះឆ្នោតទទួលបានការគាំទ្រច្រើន គឺត្រូវធ្វើជានាយករដ្ឋមន្រ្តីនិងរៀបចំគណៈរដ្ឋមន្ត្រីរបស់ខ្លួន។ ការជ្រើសរើសមេដឹកនាំគណបក្សគឺធ្វើឡើងតាមរយៈការបោះឆ្នោត។ ការបោះឆ្នោតសភា ៖ ពលរដ្ឋដែលមានអាយុចាប់ពី១៨ឆ្នាំឡើងទៅគឺមានសិទ្ធិបោះឆ្នោតជ្រើសរើសសមាជិកសភា។ បើសមាជិកសភាណាម្នាក់ទទួលមរណភាពឬលាឈប់ពីតំណែងគេត្រូវរៀបចំការបោះឆ្នោតពិសេសមួយដើម្បីជ្រើសរើសបេក្ខជនថ្មីជំនួស។ រយៈពេលនៃការឃោសនាបោះឆ្នោតគឺធ្វើឡើង ក្នុងរយៈពេលបីបួនសប្តាហ៍មុនថ្ងៃបោះឆ្នោត។