វិញ្ញាសាត្រៀមប្រលង បាក់ឌុបមុខវិជ្ជាផែនដីវិទ្យា ( វិញ្ញាសាទី១៣)

សំនួរ

១. នៅកម្ពុជាគេសង្កេតឃើញពុយមីសនៅកន្លែងណា ?  ហើយប្រជាជនខ្មែរហៅសិលានេះថាជាអ្វី ? ប្រជាជនខ្មែរយល់ដូចម្តេចចំពោះសិលានេះ ?

២. ដូចម្តេចហៅថា សិលាកម្ទេចកំណ ?

៣. ចូរពណ៌នាពីដំណើរនៃកំណកំណើតសិលាកម្ទេចកំណ​ ។

៤. គេចាត់ថ្នាក់សិលាកម្ទេចកំណតាមរបៀបណា ?

៥. តើសិលាកម្ទេចកំណចែកចជាប៉ុន្មាន ? អ្វីខ្លះ ?

ចម្លើយ

១. នៅប្រទេសកម្ពុជាគេសង្កេតឃើញពុយមីសនៅតាមទីវត្តអារាមមួយចំនួនហើយប្រជាជនខ្មែរហៅសិលានេះថា  « ថ្មអណ្តែតទឹក » ។ ប្រជាជនខ្មែរយល់ថាថ្មអណ្តែតទឹកជាវត្ថុស័ក្តិសិទ្ធិ ដើម្បីបន់ស្រន់សុំសេចក្តីសុខ ។

២.  សិលាកម្ទេចកំណ គឺជាប្រភេទសិលាដែលកើតមកពីបំណែក ឬកម្ទេចកំណត្រូវបានដឹកជញ្ជូនពីកន្លែងមួយទៅកន្លែងមួយទៀត តាមដំណើរនៃសំណឹក ដែលចាក់បង្គរទៅជាស្រទាប់ហើយបង្ខាំភ្ជាប់គ្នាបានជាសិលាកម្ទេចកំណ ។

៣. ខ្យល់ ទឹក ទឹកកក ពន្លឺព្រះអាទិត្យ និងទំនាញបណ្តាលឲ្យសិលាពុកផុយទៅជាបំណែកតូចៗ ។ បំណែកសិលា ឬកម្ទេចកំណត្រូវបានដឹកជញ្ជូនពីកន្លែងមួយទៅកន្លែងមួយទៀតតាមដំណើរនៃសំណឹក ។ ចុងបញ្ចាប់ កម្ទេចកំណទាំងឡាយបានចាប់បង្គរទៅជាស្រទាប់ ហើយបង្ខាំភ្ជាប់គ្នាបានជាសិលាកម្ទេចកំណ ។

៤. គេចាត់ថ្នាក់សិលាកម្ទេចកំណទៅតាមរបៀបកកើតរបស់វា ។

៥. សិលាកម្ទេចកំណចែកជា៣ក្រុម គឺសិលាកម្ទេចកំណក្លាសិ្ទច សិលាកម្ទេចកំណគីមី និងសិលាកម្ទេចកំណដរីរាង្គ ។

វិញ្ញាសាទី១៤