សំណួរ-ចម្លើយ រដ្ឋបាលទូទៅ មន្រ្តីរាជការស៊ីវិលនៃក្រសួងមហាផ្ទៃ (ភាគ៦)

សំណួរ

២៦- តើប្រភពមុខងារសាធារណៈមានអ្វីខ្លះ?

២៧- ចូររៀបរាប់ប្រភេទនៃលិខិតរដ្ឋបាល?

២៨- អ្វីទៅជាការៀបចំរចនាសម្ព័ន្ធមុខងារសាធារណៈ?

២៩- ដូចម្តេចដែលហៅថាមន្ត្រីរាជការស៊ីវិល? តើអង្គមន្ត្រីរាជការស៊ីវិលដែលបង្កើតរួចហើយនៅព្រះរាជាណាចក្រកម្ពុជាមានចំនួនប៉ុន្មាន? ចូររៀបរាប់ ។

៣០- ក្នុងនាមជាអ្នកគ្រប់គ្រងអង្គភាពសាធារណៈ តើអ្នកគួរធ្វើការត្រួតពិនិត្យអ្វីខ្លះនៅក្នុងផ្ទៃក្នុងអង្គភាពដែលអ្នកទទួលខុសត្រូវ ?

៣១- ចូរអ្នកបរិយាយអំពីនីតិវិធីនៃការបង្កើតរាជរដ្ឋាភិបាល តាមស្មារតីនៃរដ្ឋធម្មនុញ្ញនៃព្រះរាជាណាចក្រកម្ពុជាបច្ចុប្បន្ន ?

៣២- តើគណៈកម្មាធិការអភិវឌ្ឍន៍ភូមិ (គ.អ.ក) ជាអ្វី ? ត.អ.ភ បានចូលរួមចំណែកអ្វីខ្លះក្នុងដំណើរការវិមជ្ឈការនៅកម្ពុជា?

ចម្លើយ

២៦- ប្រភពមុខងារសាធារណៈមាន ៥គឺ

• រដ្ឋធម្មនុញ្ញ
• សន្ធិសញ្ញាអន្តរជាតិ
• ច្បាប់ និងបទបញ្ជា
• គោលការណ៍ទូទៅ នៃនីតិមុខងារសាធារណៈ
• យុត្តិសាស្ត្រ ។

២៧- លិខិតរដ្ឋបាលមានដូចជា៖

• លិខិតស្នើសុំ
• សេចក្តីជូនដំណឹង
• លិខិតអញ្ជើញ
• លិខិតបង្គាប់ការ
• លិខិតបញ្ជាបេសសកម្ម
• លិខិតចុះទិដ្ឋាការដំណើរ
• លិខិតផ្ទេរសិទ្ធិ
• លិខិតប្រគល់សិទ្ធិចុះហត្ថលេខា
• ដីការអម
• លិខិតអនុញ្ញតច្បាប់សម្រាក
• កំណត់បង្ហាញរឿង
• របាយការណ៍
• កំនត់ហេតុ
• លិខិតបញ្ជាក់

២៨- ការរៀបចំរចនាសម្ព័ន្ធមុខសាធារណៈ គឺជាប្រតិបត្តិការបច្ចេកទេសតាមបែបទំនើបមួយចាំបាច់ក្នុងការធ្វើចំណាត់ថ្នាក់មន្ត្រីរាជាការសម្រាប់ការគ្រប់គ្រងមុខងារសាធារណៈប្រកបដោយប្រសិទ្ធភាព ។ ក្នុងការរៀបចំរចនាសម្ព័ន្ធមុខងារសាធារណៈ គឺជាមូលដ្ឋានគ្រឹះក្នុងការជ្រើសរើសមន្ត្រីរាជការ ការគ្រប់គ្រង អាជីព ការដាក់អោយដំណើរការប្រព័ន្ធលាភការ ប្រព័ន្ធលើកទឹកចិត្តមន្ត្រីរាជាការប្រកបដោយ សមភាព និង ប្រសិទ្ធភាព។

២៩- មន្រ្តីរាជការស៊ីវិល គឺជាក្រុមមន្ត្រីរាជការក្របខណ្ឌទាំងអស់ក្រៅពីអ្នករាជការដែលស្ថិតនៅក្នុងប្រមតុលាការ និងក្រមនីតិប្បញ្ញត្តិ ហើយផ្តិតនៅក្រោម វិធាននៃច្បាប់សហលក្ខន្តិកៈមន្រ្តីរាជការស៊ីវិលដែលបានបង្កើត និងរៀបចំឡើងតាមព្រះរាជក្រឹត្យ ហើយបានចូលធ្វើការតាមក្រសួង ស្ថាប័ននានា ដោយមានសិទ្ធិទទួលបានប្រាក់សោធននិវត្តន៍។

+ អង្គមន្រ្តីរាជការស៊ីវិលនៃព្រះរាជាណាចក្រកម្ពុជាបច្ចុប្បន្ន ដែលបង្កើតរួចហើយមានចំនួន ០៦ អង្គ គឺ ៖

• អង្គរដ្ឋបាលទូទៅ
• អង្គសុខាភិបាល
• អង្គការទូត
• អង្គបច្ចេកទេស
• អង្គត្របង្រៀន និង
• អង្គរដ្ឋបាលស៊ីវិលក្រសួងមហាផ្ទៃ ។

៣០- ក្នុងនាមជាអ្នកគ្រប់គ្រងអង្គភាពសាធារណៈ ត្រូវធ្វើការត្រួតពិនិត្យដូចជា ៖

• ត្រួតពិនិត្យការងាររដ្ឋបាល

         - នីតិវិធីនៃការអនុវត្តការងារ ការរៀបចំ ចាត់ចែងការងារ ការរក្សាទុក និងចែកចាយឯកសារ

• ត្រួតពិនិត្យការងារគណនេយ្យ

         - ការអនុវត្តការចាយវាយ ការចាត់ចែងចំណូលចំណាយ របាយការណ៍ហិរញ្ញវត្ថុ បូកសរុបការងារហិរញ្ញវត្ថុប្រចាំថ្ងៃ

• ត្រួតពិនិត្យកិច្ចប្រតិបត្តិការ

         - លើមន្ត្រីប្រតិបត្តិក្នុងការផលិតទំនិញ និងលទ្ធផលសម្រេចជាក់ស្តែង

៣១- ការបរិយាយអំពីនីតិវិធីនៃការបង្កើតរាជរដ្ឋាភិបាល តាមស្មារតីនៃរដ្ឋធម្មនុញ្ញនៃព្រះរាជាណាចក្រកម្ពុជាបច្ចុប្បន្នដូចជា​ ៖

• មាត្រា ១១៩ ថ្មី នៃរដ្ឋធម្មនុញ្ញ
• ប្រធានរដ្ឋសភា (ដោយមានមតិឯកភាពពីអនុប្រធាន) ស្នើទៅព្រះមហាក្សត្រចាត់តាំងវរជនមួយរូបក្នុងចំណោមតំណាងរាស្ត្រនៃគណបក្សដែលឈ្នះឆ្នោតឱ្យបង្កើតរាជរដ្ឋាភិបាល
• វរជននោះ ត្រូវផ្ទេរផ្គងសមាសភាពរាជរដ្ឋាភិបាល ដើម្បីស្នើសុំសេចក្តីទុកចិត្តរដ្ឋសភា លើមតិភាគច្រើនដាច់ខាត
• កាលបើរដ្ឋសភាបោះឆ្នោតទុកចិត្តហើយនោះ ព្រះមហាក្សត្រទ្រង់ចេញព្រះរាជក្រឹត្យតែងតាំងគណៈរដ្ឋមន្ត្រីទាំងមូល

៣២- គណៈកម្មាធិការអភិវឌ្ឍន៍ភូមិ (គ.អ.ក) គឺជាគណៈកម្មាធិការមួយរបស់ក្រុមប្រឹក្សាឃុំ សង្កាត់ និងត្រូវ ស្ថិតក្នុងរចនាសម្ព័ន្ធ និងប្រព័ន្ធរបស់ក្រុមប្រឹក្សាឃុំ សង្កាត់ និងជាភ្នាក់ងារ អភិវឌ្ឍន៍ភូមិ សម្រាប់ជួយសម្របសម្រួលការងារអភិវឌ្ឍន៍ភូមិ ។

+ ត. អ. ភ បានចូលរួមចំណែកក្នុងដំណើរការរវិមជ្ឈការនៅកម្ពុជាដូចជា ៖

• ជួយក្រុមប្រឹក្សាឃុំ និងភ្នាក់ងារពាក់ព័ន្ធក្នុងការសម្របសម្រួលរាល់ សកម្មភាពការងារអភិវឌ្ឍន៍ភូមិ
• ជួយកំណត់តម្រូវការអាទិភាពភូមិ និងរៀបចំផែនការអាទិភាពអភិវឌ្ឍន៍ភូមិ
• ជួយអនុវត្តតម្រោងអភិវឌ្ឍន៍នានានៅក្នុងភូមិរបស់ខ្លួន ។